«Պետք է կտրուկ ավելացնել ախտորոշիչ լաբորատորիաների ամբողջ ցանկը, հրատապ փոփոխությունների խնդիր կա». Արմեն Մուրադյան
«Երկու ծայրահեղությունները՝ թե՛ հիստերիան, որը բարձրացված է, և թե՛ ցինիկաբար ժխտելը, որ այդ հիվանդներն ուղղակի գոյություն չունեն, և մեր երկրում արդեն կան ողբերգական դեպքեր, կարծում եմ, որ ընդունելի չեն»,- կորոնավիրուսի հետ կապված միֆերի մասին ԵՊԲՀ-ում կազմակերպված քննարկման ավարտին ասաց ԵՊԲՀ ռեկտոր Արմեն Մուրադյանը՝ նշելով, որ պետք է կարողանանք ամբողջ հարցը մասնագիտական դաշտում քննարկել:
Մուրադյանի կարծիքով՝ բաց տարածքներում դիմակներ կրելու մոտեցումը դեռևս արդարացված չէ, սակայն որպես երկրի քաղաքացի՝ ենթարկվելու է այդ որոշմանը: Միևնույն ժամանակ ԵՊԲՀ ռեկտորն ասաց՝ արդարացված չի այն պնդումը, թե եթե մեքենայի մեջ երկու հոգի են, պետք է պարտադիր դիմակ կրեն՝ անգամ, եթե ամուսիններ են:
«Պետք է իրատեսական գնահատել: Դիմակը պաշտպանի՞չ միջոց է: Այո: Սա միանշանակ է և անհերքելի փաստ է: Դիմակը կարո՞ղ է դառնալ ինքն իրեն վտանգավոր: Այո, եթե նա ճիշտ չկիրառվի կամ էլ հնարավորության դեպքում ծալվի, դրվի, կամ էլ մի քանի անգամ օգտագործվի»,- ասաց Արմեն Մուրադյանը:
Պետական բժշկական համալսարանի ռեկտորի դիտարկմամբ՝ կա հրատապ փոփոխությունների խնդիր: Ըստ նրա՝ պետության ամբողջ ներուժը պետք է ուղղվի բուժական հաստատություններին, յուրաքանչյուր հիվանդանոց այս պահից սկսած պետք է ճանաչվի COVID կենտրոն:
«Համոզված եմ, որ պետք է կտրուկ ավելացնել ախտորոշիչ լաբորատորիաների ամբողջ ցանկը, որոնց պետք է տալ այդ հնարավորությունը՝ անկախ նրանց սեփականության ձևից, ապահովելով նրանց անվտանգությունը՝ լայնածավալ սկսել այդ աշխատանքները և չսահմանափակվել քանակով՝ ասելով, որ մենք փաստացի այսքան իրականացրել ենք թեստավորում: Տեսնո՞ւմ եք, որ ինչքան իրականացնում ենք, էդքան ավելի շատանում է դեպքերի թվաքանակը»,- ասաց Արմեն Մուրադյանը:
ԵՊԲՀ ռեկտորի համոզմամբ՝ պետք է ամեն կերպ փորձել օգնել ու աջակցել բժիշկներին, որոնք և՛ հիվանդանում են, և՛ ֆիզիկապես մաշվում են, հոգնում են՝ երկու ամիս շարունակ հատուկ պաշտպանիչ միջոցներով աշխատելու դեպքում: Անհրաժեշտ է մոբիլիզացնել ողջ բժշկական ներուժը, անհրաժեշտության դեպքում՝ անել վերապատրաստումներ:
«Պետք է կարողանանք հասկանալ, որ մենք այդքան շատ չունենք այդ բժշկական ներուժից, որ այդպես շռայլ օգտագործենք նման իրավիճակում: Շատ ավելի խնայողաբար և շատ ավելի բարձր գնահատված պետք է լինեն բուժաշխատողները»,- եզրափակեց խոսքը Արմեն Մուրադյանը:
Մալխաս Ամոյանը դուրս եկավ Եվրոպայի առաջնության եզրափակիչ, Մանվել Խաչատրյանը կպայքարի բրոնզի համար
Չհայտարարված այցով Կիև է ժամանել արքայազն Հարին
Իրազեկում․ ապրիլի 23-ին և 24-ին մի շարք փողոցներում կսահմանափակվի երթևեկությունը
Վալմարի նոր ցուցահանդեսը․ «Աշնանային բնապատկերների շարք»
Սուրեն Աղաջանյանը՝ ըմբշամարտի Եվրոպայի փոխչեմպիոն, Սլավիկ Գալստյանն ու Գասպար Տերտերյանը՝ բրոնզե մեդ...
Ջրային խնդիրներն առաջիկա 5 տարում լինելու են մեր 5 առաջնահերթությունների մեջ
Պաշտպանության ոլորտում ստորագրվել են Հայաստան-Կիպրոս երկկողմ և Հայաստան-Հունաստան-Կիպրոս եռակողմ համ...
16 տարին լրացած անձանց համար նույնականացման քարտ ունենալը կդառնա պարտադիր
Դիլիջանի լիմոնադի արտադրամասում հայտնաբերվել են լուրջ սանիտարական խախտումներ, գործունեությունը կասեց...
Ապրիլի 14-20-ը Երևանում փոշու պարունակությունը գերազանցել է սահմանային թույլատրելի կոնցենտրացիան երե...