Հայաստանի Արդարադատության նախարարությունը հիացած է արեւմտյան ՀԿ-ի գովեստից

Կոռուպցիայի դեմ պայքարում Կառավարության գործունեության ուղղություններից մեկն է եղել կոռուպցիոն հանցագործությունների բացահայտման գործիքների ստեղծումը եւ ապօրինի ծագմամբ գույքի բռնագանձումը: Այս մասին մայիսի 7-ին ԱԺ-ում Կառավարության 2019 թվականի ծրագրի իրականացման ընթացքի մասին հաշվետվության քննարկման ժամանակ ասաց արդարադատության նախարար Ռուստամ Բադասյանը:

Նրա խոսքով՝ մշակվել է ապօրինի ծագմամբ գույքի բռնագանձման մասին օրենքի նախագիծ, որը Ազգային ժողովն ընդունել է: Կոռուպցիոն հանցագործխությունների բացահայտման մեջ այս ինստիտուտի դերին կարեւորություն տալով՝ 2019 թվականի մայիսի 21-ին գործարկվել է իրազեկման միասնական էլեկտրոնային հարթակ»,- հայտնեց նախարարը:

Բադասյանը նաեւ նշեց, որ «Transparency international»-ի զեկույցում 2019 թվականի համար նշվել էր, որ Հայաստանը անցյալ տարվա համեմատությամբ իր դիրքերը բարելավել է միանգամից 28 կետով, ընդ որում՝ մեկ տարում Կոռուպցիայի ընկալման ինդեքսի միավորը բարձրացել է 7 կետով: «Սա Հայաստանի ամբողջ պատմության մեջ բացառիկ ցուցանիշ է»,- հայտարարեց արդարադատության նախարարը, որն ինքն էլ մինչ իր նշանակումը աշխատել է արեւմտյան ՀԿ-ում: