Լատվիան, Լիտվան եւ Էստոնիան պայմանավորվել են բացել ներքին սահմանները երեք երկրների քաղաքացիների ազատ տեղաշարժի համար

Լատվիան, Լիտվան եւ Էստոնիան պայմանավորվել են բացել ներքին սահմանները երեք երկրների քաղաքացիների ազատ տեղաշարժի համար, թվիթերյան իր էջին հայտարարել է Լատվիայի վարչապետ Կրիշյանիս Կարինշը:

«Այսօր վիդեոկոնֆերանցի ընթացքում <...> մենք պայմանավորվեցինք մայիսի 15-ից ներքին սահմանների բացման եւ բալթյան երկրների բնակիչների ազատ տեղաշարժի մասին»,- գրել է Կարինշը: Նա նշել է, որ հարցը քննարկվել է Էստոնիայի եի Լիտվայի վարչապետերի հետ, փոխանցում է ՌԲԿ-ն:

Կարինշը նաեւ նշել է, որ այլ երկրների բնակիչները մերծբալթյան երկրներ մուտք գործելիս պետք է երկշաբաթյա ինքնամեկուսացում անցնեն:

Նախօրեին Լիտվայի առողջապահության նախարար Աուրելիուս Վերիգան շեշտել էր, որ Էստոնիայի, Լատվիայի եւ Լիտվայի բնակիչների ազատ տեղաշարժն իրենց տարածքով հնարավոր է միայն այն դեպքում, եթե պետությունները պայմանավորվեն միմյանց հետ հիվանդության վերահսկման ընդհանուր սկզբունքների շուրջ: Այդ հասկացությունը պետք է ներառի մոնիտորինգն արտաքին սահմաններին, ինչպես նաեւ երկիր մուտք գործողների մոտ կորոնավիրուսի առկայության ստուգումը եւ նրանց շփումներին հետեւելը:

Հոփկինսի համալսարանի տվյալներով` Լատվիայում գրանցվել է կորոնավիրուսով վարակման 900 եւ մահվան 17 դեպք, Լիտվայում գրանցվել է 1428 վարակման եւ 48 մահվան դեպք, Էստոնիայում` 1713 վարակման եւ մահվան 55 մահվան դեպք: