Երևանի քաղաքապետը պարտավոր կլինի հայտնել 1 միլիոն դրամը գերազանցող նվիրատվության մասին. Սոնա Ղազարյան
Երևանի քաղաքապետը պարտավոր կլինի հայտնել 1 միլիոն դրամը գերազանցող նվիրատվության մասին: Այս մասին ԱԺ-ում «Տեղական ինքնակառավարման մասին» օրենքում լրացում կատարելու մասին օրենքի նախագիծը երկրորդ ընթերցմամբ և ամբողջությամբ ընդունելու քննարկման ժամանակ հայտարարեց «Իմ քայլը» խմբակցության պատգամավոր Սոնա Ղազարյանը:
«Համայնքների համար օրենքով սահմանված նվազագույն աշխատավարձի հարյուրապատիկը պահպանվել է բոլոր համայնքների համար՝ բացառությամբ Երևանը։ Երևանի պարագայում մենք առանձնացրել ենք դրույքաչափը և սահմանել, որ օրենքով սահմանված նվազագույն աշխատավարձի հազարապատիկը գերազանցող նվիրաբերության կամ նվիրատվության պարագայում Երևանի քաղաքապետը պարտավոր է այդ մասին տեղեկացնել yerevan.am համացանցային կայքով»,-մանրամասնեց պատգամավորը։
Անդրադառնալով նվիրատուի անձնական տվյալների պաշտպանությանը՝ պատգամավորը նշեց, թե սահմանվել է, որ նվիրատուի մասին տեղեկատվությունը հրապարակման ենթակա է այն պարագայում, երբ նվիրատուի կողմից կա գրավոր համաձայնություն:
Հիշեցնենք, որ նախագծի հեղինակներն են պատգամավորներ Սերգեյ Բագրատյանը, Վարդան Վարդանյանը, Տիգրան Ստեփանյանը, Հրանտ Մադաթյանը, Դավիթ Մանուկյանը, Ջանիբեկ Հայրապետյանն ու Սոնա Ղազարյանը:
Վալմարի նոր ցուցահանդեսը․ «Աշնանային բնապատկերների շարք»
Սուրեն Աղաջանյանը՝ ըմբշամարտի Եվրոպայի փոխչեմպիոն, Սլավիկ Գալստյանն ու Գասպար Տերտերյանը՝ բրոնզե մեդ...
Իրազեկում․ ապրիլի 23-ին և 24-ին մի շարք փողոցներում կսահմանափակվի երթևեկությունը
Չհայտարարված այցով Կիև է ժամանել արքայազն Հարին
16 տարին լրացած անձանց համար նույնականացման քարտ ունենալը կդառնա պարտադիր
Ապրիլի 14-20-ը Երևանում փոշու պարունակությունը գերազանցել է սահմանային թույլատրելի կոնցենտրացիան երե...
Պաշտպանության ոլորտում ստորագրվել են Հայաստան-Կիպրոս երկկողմ և Հայաստան-Հունաստան-Կիպրոս եռակողմ համ...
Դիլիջանի լիմոնադի արտադրամասում հայտնաբերվել են լուրջ սանիտարական խախտումներ, գործունեությունը կասեց...
Աննա Ամրոյանը ոսկե մեդալ է նվաճել ծանրամարտի Եվրոպայի առաջնության հրում վարժությունում
Հունիսի 7-ը Մեր 2-րդ Անկախության Հանրաքվեն Է