Իսպանիայի հյուսիս-արևմտյան շրջանում 150 տարվա ընթացքում առաջին անգամ գորշ արջ են նկատել (լուսանկարներ, տեսանյութ)

Իսպանիայի հյուսիս-արևմտյան շրջանում 150 տարվա ընթացքում առաջին անգամ գորշ արջ են նկատել, գրում է The Guardian-ը։

Կենդանուն Օրենսե նահանգի Ինվերնադեյրո ազգային պարկում ֆիքսել է Montaña ou Morte («Լեռ կամ Մահ») ֆիլմի նկարահանող խումբը։

Չնայած այս տարածքը հանդիսանում է գայլերի, եղջերուների և վայրի վարազների տունը, սա ավելի քան մեկ դար անց առաջին դեպքն է, երբ ազգային պարկում գորշ արջ են նկատել։

«Երեքից հինգ տարեկան արու արջն առաջինն է, որ վերջին 150 տարվա ընթացքում հատել է այդ տարածաշրջանը»,- ասված է Zeitun Films պրոդյուսերական ընկերության հայտարարության մեջ:

«Ինվերնադեյրո ազգային պարկում երկարամյա բնապահպանական աշխատանքները թույլ են տվել պարկին դառնալ գորշ արջի համար բնակության հարմար միջավայր»,- ասված է ազգային ազգային պարկի հայտարարության մեջ:

Գորշ արջերն Իսպանիայի պահպանվող տեսակն են համարվում 1973 թվականից ի վեր։