Առողջապահության նախարարությունը շարունակում է խուճապ տարածել

Մայիսի 1-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 2148 դեպք, որոնցից 977-ն` առողջացած, 33-ը` մահվան ելքով: Այս մասին Facebook-ի իր էջում գրել է առողջապահության նախարարի խոսնակ Ալինա Նիկողոսյանը:

«Կորոնավիրուսային հիվանդությամբ այս պահին փաստացի բուժում է ստանում 1136 պացիենտ: Ընդհանուր առմամբ, կատարվել է 22177 թեստավորում:

Այսպիսով` ունենք կորոնավիրուսային հիվանդությամբ հաստատված 82 նոր դեպք և 48 առողջացած։

Մահվան դեպքի վերաբերյալ հայտնում ենք, որ իգական սեռի պացիենտը եղել է 27 տարեկան և ունեցել է ուղեկցող խրոնիկական հիվանդություններ»,- նշել է նա:

Եւ կրկին հարց ՀՀ կառավարությանը՝ ինչ իմաստ ունի ծանր հիվանդություններից մահացած երիտասարդ կնոջ մահը վերագրել կորոնավիրուսին: Ի՞նչ նպատակ եք հետապնդում, եւ ինչու եք գնում այս քայլին: 

Top-News.am