Իսպանիան ԵՄ-ին կառաջարկի 1,5 տրլն եվրոյի աջակցության փաթեթ ստեղծել կորոնավիրուսից տուժած երկրների համար

 Իսպանիայի կառավարությունը պատրաստվում է դիմել Եվրոպական միությանը՝ առաջարկելով ստեղծել 1,5 տիրլիոն եվրո ծավալով աջակցության փաթեթ, որը պետք է որպես օգնություն բաշխվի կորոնավիրուսի նոր տեսակի համավարակի առաջացրած ճգնաժամից ամենաշատ տուժած երկրներին:

Ինչպես նշում է The Guardian-ը, նման հրապարակմամբ է հանդես եկել իսպանական El Pais պարբերականը՝ պաշտոնական փաստաթղթին հղումով:

Ըստ փաստաթղթի՝ վարչապետ Պեդրո Սանչեսը պատրաստվում է իր գործընկերներին պաշտոնական առաջարկով դիմել այս հինգշաբթի կայանալիք համաժողովի ժամանակ:

Նշվում է, որ 1,5 տրիլիոն եվրոն կգոյանա ԵՄ 27 անդամ պետությունների կողմից անժամկետ պարտատոմսերի թողարկման շնորհիվ: Հավաքված գումարը տարբեր երկրներին կուղղվի որպես տանսֆեր, այլ ոչ թե որպես պարտք: