Ես օֆիցիալ դադարեցնում եմ Ucom-ով զբաղվելը, ու մենք նոր Ucom կստեղծենք՝ ավելի լավը ու ավելի մեծը. Հայկ Եսայան (տեսանյութ)

 Tert.am-ը գրում է.

Ucom ընկերության արդեն նախկին տնօրեն Հայկ Եսայանը հանդես է եկել տեսաուղերձով, որում հայտարարել է, որ այս պահից սկսած պաշտոնապես դադարեցնում է Ucom ընկերությունով զբաղվելը:

Հայկ Եսայանը նաև տեղեկացրել է, որ իր թիմով նոր ընկերություն կհիմնի, որը, ըստ նրա, կլինի ավելի լավը ու մեծը:

«Այս պահից սկսած՝ ես ասում եմ օֆիցիալ, որ դադարեցնում եմ Ucom-ով զբաղվել: Իմ քայլերը շատ գիտակցված են, ես գիտեմ իմ քայլերի հաջորդականությունը և վստահ եմ՝ այն թիմը, որն ստեղծել է , այդ թիմը մի հատ էլ նոր Ucom կստեղծի ու էլ ավելի լավը ու էլ ավելի մեծը»,- ասել է նա:

Հիշեցնենք, որ Ucom ընկերությունն ավելի վաղ հաղորդագրություն էր տարածել՝ տեղեկացնելով, որ ապրիլի 14-ին, հիմք ընդունելով ընկերության նախկին տնօրեն Հայկ Եսայանի կողմից ներկայացված աշխատանքից ազատման դիմումը, հրատապ կարգով հրավիրվել է Տնօրենների խորհրդի նիստ, որտեղ, ի թիվս այլ հարցերի, հաստատվել է նոր տնօրենի նշանակումը։ Նոր գլխավոր տնօրենը Արա Սերգեյի Խաչատրյանն է:

Հայկ Եսայանի ուղերձը կարող եք դիտել ստորև: