Հայաստանի իշխանությունը նպատակ է դրել սնանկացնել մասնավոր հեռուստաընկերություններին․«Մեդիա պաշտպան»
Հայաստանի իշխանությունը նպատակ է դրել սնանկացնել մասնավոր հեռուստաընկերություններին։ Այս մասին հայտարարություն է տարածել «Մեդիա պաշտպան» նախաձեռնությունը։
«Ապրիլի 16-ին ՀՀ Ազգային ժողովը երկրորդ ընթերցմամբ ընդունեց «Հեռուստատեսության և ռադիոյի մասին» և «Գովազդի մասին» օրենքներում փոփոխություն կատարելու Կառավարության առաջարկը: Ցավոք, հայկական մեդիադաշտի հորդորներն ու խնդրանքներն այդպես էլ տեղ չհասան, և իշխանությունը, օգտվելով հայտարարված արտակարգ դրությունից, հապճեպորեն օրենքի տեսք տվեց մասնավոր հեռուստաընկերություններին սնանկացնելու և խոսքի ազատությունը սահմանափելու որդեգրված քաղաքականությանը:
«Մեդիա պաշտպան» նախաձեռնությունն ահազանգում է, որ «Հեռուստատեսության և ռադիոյի մասին» և «Գովազդի մասին» օրենքներում փոփոխություն կատարելով և Հանրային հեռուստաընկերությանը գովազդային շուկա մտնելու գործառույթ ընձեռելով Հայաստանի իշխանությունը կորոնավիրուսի հետևանքով առաջացած ֆինանսատնտեսական խնդիրների պայմաններում ֆինանսական հարված է հասցնում մասնավոր հեռուստաընկերություններին առանց այդ էլ պայթյունի եզրին կանգնած գովազդային շուկայի հոսքերի մի մասն ուղղելով դեպի Հանրային հեռուստաընկերություն և զրկելով մասնավոր հեռուստաընկերություններին գոյատևելու հնարավորությունից: Եվ, սա այն դեպքում, երբ գործող հեռուստաընկերություններից միայն հարկատուների միջոցներով գործող Հանրային հեռուստաընկերությունն է, որ չունի ֆինանսական որևէ խնդիր, որովհետև ֆինանսավորվում է պետական բյուջեից:
Փաստացի, Հայաստանի իշխանությունը, օրենսդրական գործիքակազմով վերաձևավորելով գովազդային շուկան, ձեռնարկում է մեդիադաշտը սնանկացնելու և լրատվամիջոցների ազատ գործունեությունը սահմանափակելու և վերահսկելու քաղաքականություն: Այս քաղաքականության հետևանքները կործանարար են լինելու խոսքի ազատության և ժողովրդավարության համար` երկիրը գլորելով դեպի ավտորիտար կառավարման միջավայր: Այս իրողությունը շատ շուտով տեղ է գտնելու միջազգային կազմակերպությունների զեկույցներում և անպայմանորեն նվազեցնելու է Հայաստանի Հանրապետության վարկանիշը որպես ժողովրդավարությունն ու խոսքի ազատությունը գերակա արժեք համարող պետական կազմավորում:
«Մեդիա պաշտպան» նախաձեռնությունը նաև ահազանգում է, որ «Հեռուստատեսության և ռադիոյի մասին» և «Գովազդի մասին» օրենքներում փոփոխություն կատարելով և Հանրային հեռուստաընկերությանը գովազդային շուկա մտնելու գործառույթ ընձեռելով Հայաստանի իշխանությունը կոռուպցիոն նոր ռիսկեր է ստեղծում` հետընթաց ապահովելով մեդիադաշտի ազատ մրցակցության և արդար խաղի կանոնների գործածության համար:
Վալմարի նոր ցուցահանդեսը․ «Աշնանային բնապատկերների շարք»
Իրազեկում․ ապրիլի 23-ին և 24-ին մի շարք փողոցներում կսահմանափակվի երթևեկությունը
Չհայտարարված այցով Կիև է ժամանել արքայազն Հարին
Սուրեն Աղաջանյանը՝ ըմբշամարտի Եվրոպայի փոխչեմպիոն, Սլավիկ Գալստյանն ու Գասպար Տերտերյանը՝ բրոնզե մեդ...
16 տարին լրացած անձանց համար նույնականացման քարտ ունենալը կդառնա պարտադիր
Պաշտպանության ոլորտում ստորագրվել են Հայաստան-Կիպրոս երկկողմ և Հայաստան-Հունաստան-Կիպրոս եռակողմ համ...
Հունիսի 7-ը Մեր 2-րդ Անկախության Հանրաքվեն Է
Դիլիջանի լիմոնադի արտադրամասում հայտնաբերվել են լուրջ սանիտարական խախտումներ, գործունեությունը կասեց...
Ապրիլի 14-20-ը Երևանում փոշու պարունակությունը գերազանցել է սահմանային թույլատրելի կոնցենտրացիան երե...
Մաշտոցի համայնքային ոստիկանները հայտնաբերել են ավտոբուսի վարորդին դանակահարած անձին