«Ճրագը պատուհանին» նախաձեռնություն. ապրիլի 23-ին և 24-ին՝ երեկոյան ժամը 20:30-ին մեր տներում մոմ ենք վառելու

Հայաստանի առաջանցիկ զարգացման հիմնադրամը հանդես է գալիս «Ճրագը պատուհանին» նախաձեռնությամբ:

Այս առնչությամբ տարածված հայտարարության մեջ ասվում է. «1915 թվականի ապրիլի 24-ը հայության մեջ նշանավորվում է որպես Հայոց ցեղասպանության զոհերի հիշատակման օր։ Ամեն տարի այս օրը ինչպես Հայաստանում և Արցախում, այնպես էլ Սփյուռքում մեր հայրենակիցները, և ոչ միայն, իրենց զորակցությունն են հայտնում, այցելելով Ծիծեռնակաբերդ, միանալով բազմամարդ երթերին՝ կազմակերպված աշխարհի տարբեր ծագերում։ Սակայն, այս տարի աշխարհում տիրող արտակարգ դրությունը, գործանականում անհնար է դաձնում զանգվածային միջոցառումների իրականացումը։

Հայաստանի առաջանցիկ զարգացման հիմնադրամը հանդես է գալիս «Ճրագը պատուհանին» նախաձեռնությամբ։ Սույն թվականի ապրիլի 23-ին և 24-ին՝ երեկոյան ժամը 20:30-ին, մենք մեր տներում մոմ ենք վառելու անմեղ զոհերի հիշատակը հավերժացնելու համար։ Այսպիսով, տանից ի ցույց դնելու մեր միասնությունն ու միակամությունը: Յուրաքանչյուրիս բաժին ճրագը կփաստի, որ ոչինչ չի կարող խոչընդոտել մեր հայրենիքի կայուն և առաջանցիկ զարգացմանը: Այդ վառվող լույսերը կմիաձուլվեն մեր՝ ուժի, միասնության, հաստատակամության ու ապագան լուսավորող արևին։ Հայաստանի առաջանցիկ զարգացման հիմնադրամ: