ԱԺ-ն շարունակում է իր քառօրյան. Այսօրվա օրակարգում ԿԲ նախագահի ընտրության հարցն է (ուղիղ)

Ազգային ժողովում այսօր՝ ապրիլի 16-ին շարունակում է հերթական քառօրյա նիստերը. ընդհանուր օրակարգում 29 հարց է, այդ թվում ԿԲ նախագահի ընտրությունը:

Նախօրդ երկու օրերին ԱԺ-ն քննարկել է 29 հարցից մոտ 15-ը: Մասնավորապես, ընդունվել է «Ապօրինի ծագում ունեցող գույքի բռնագանձման մասին» աղմկահարույց օրինագիծը:

Այսօր խորհդարանն իր աշխատանքը կսկսի ԿԲ նախագահի ընտրության հարցի քննարկմամբ: Այս պաշտոնում «Իմ քայլը» խմբակցությունն առաջադրել է ԿԲ խորհրդի անդամ Մարտին Գալստյանի թեկնածությունը, որը ԱԺ նախկին նախագահ Բաբկեն Արարքցյանի փեսան է»: ԿԲ նախագահ Արթուր Ջավադյանի պաշտոնավարման 2-րդ ժամկետը լրանում է հունիսի 1-ին»:

Օրակարգում են նաեւ հետեւյալ հարցերը.

- «Հայաստանի Հանրապետության պետական պարգեւների եւ պատվավոր կոչումների մասին» ՀՀ օրենքում լրացում կատարելու մասին,

- «Հեռուստատեսության եւ ռադիոյի մասին» ՀՀ օրենքում փոփոխություն եւ լրացումներ կատարելու մասին,

- Հայաստանի Հանրապետության ու Վերակառուցման եւ զարգացման միջազգային բանկի միջեւ «Կենսական նշանակության ճանապարհային ցանցի բարելավման ծրագրի երկրորդ լրացուցիչ ֆինանսավորում» վարկային համաձայնագիրը վավերացնելու մասին,

- «Սպառողական կրեդիտավորման մասին» Հայաստանի Հանրապետության օրենքում լրացումներ կատարելու մասին,

- «Պետական կենսաթոշակների մասին» օրենքում փոփոխություններ եւ լրացումներ կատարելու մասին եւ այլ օրինագծեր: