Անգլիայում և Ուելսում կարանտինից խուսափողներին կպատժեն

Անգլիայում և Ուելսում կորոնավիրուսի հետևանքով սահմանված կարանտին գոտուց խուսափողներին և կորոնավիրուսի թեստ հանձնելուց հրաժարվողներին ազատազրկում կամ մինչև 1 000 ֆունտ ստերլինգ գումարի չափով տուգանք է սպառնում, գրում է Daily Mail պարբերականը։

Կառավարության պաշտոնական կայքերում հրապարակված 2020թ․ առողջապահական կարգավորումների շրջանակներում ասվում է, որ ենթադրյալ վարակակիրներին պետք է մեկուսացնեն անվտանգ հիվանդանոցներում կամ այլ համապատասխան տեղանքներում։

Վերջին տվյալների համաձայն՝ Մեծ Բրիտանիայում նոր տեսակի կորոնավիրուի հետևանքով մահվան դեպքերի թիվը հասել է 35-ի, որից 14-ը՝ վերջին 24 ժամվա ընթացքում։

Կորոնավիրուսի համաճարակի մասին Չինաստանի իշխանություններն ԱՀԿ-ին հայտնել էին դեկտեմբերի 31-ին: Հայտնի է, որ վիրուսը տարածվել է Հուբեյ նահանգի Ուհան քաղաքից: Չինաստանի սահմաններից դուրս վարակների մեծ մասը հայտնաբերվել է Հարավային Կորեայում, Իրանում և Իտալիայում: Ընդհանուր առմամբ, վարակի դեպքեր են հաստատվել ավելի քան 110 երկրում:

Ամբողջ աշխարհում կորոնավիրուսով վարակվածների ընդհանուր թիվը անցել է 153 000-ից, մահվան դեպքերը` 5700-ից:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը