Մերկելը գերմանացիներին կոչ է արել առավելագույնս սահմանափակել շրջապատի հետ շփումները

Գերմանիայի դաշնային կանցլեր Անգելա Մերկելը, կորոնավիրուսի պանդեմիայի հետ կապված, դիմել է Գերմանիայի բնակիչներին՝ կոչ անելով հնարավորինս պաշտպանել այն մարդկանց, որոնք գտնվում են ռիսկի գոտում, հայտնում է DW-ը։

Պատվաստանյութերի եւ դեղամիջոցների մշակումը ժամանակ կպահանջի, հայտարարելէ Մերկելն իր շաբաթական հեռուստաուղերձում, իսկ մինչ այդ կարեւոր է առավելագույնս սահմանփակել սոցիալական շփումները «ամենուր եւ որքան հնարավոր է»։

«Մեզանից յուրաքանչյուրը այդ կերպ կարող է իր անձնական վարքագծով նպաստել մարդկանց վարակման տեմպերի դանդաղմանը, որպեսզի մեր առողջապահության համակարգը չծանրաբեռնվի»,- հայտարարել է Մերկելը։ Նա կոչ է արել երկրի բնակչությանը հրաժարվել այն միջոցառումներից, որոնք կարելի է չեղարկել, եւ սահմանափակվել ընտանիքում շփմամբ։ «Այդպիսով, մենք բացարձակ որոշակի ձեւով կկարողանանք օգնել մարդկանց եւ հասարակության հետ համերաշխություն դրսեւորել»,- նշել է կանցլերը։

Անգելա Մերկելը հավելել է, որ Գերմանիայի կառավարությունը միջոցներ է ձեռնարկում կորոնավիրուսի պանդեմիայի տնտեսական հետեւանքները մեղմացնելու համար։ Նա հիշեցրել է, որ SARS-CoV-2-ի տարածման ընթացքում տնտեսության աջակցության նպատակներով բունդեսթագը արագացված ռեժիմով ընդունել է ոչ լրիվ աշխատանքային օրվա վճարման մասին օրենք, որը թույլ է տալիս ձեռնարկություններին օգտագործել վճարման այդ մոդելը, եթե աշխատանքի վայրում աշխատակիցների 10 տոկոսը բացակայում է։ Գործող օրենսդրությունը դրա կիրառումը նախատեսում է այն դեպքերում, երբ բացակայում է յուրաքանչյուր երրորդ աշխատակիցը։ Բացի այդ, ընկերություններին կփոխհատուցեն նրանց մուծումները սոցիալական ապահովման հիմնադրամներին։

ԳԴՀ կանցլերը նաեւ նշել է, որ կորոնավիրուսի դեմ պայքարի նպատակով կառավարությունում ձեւավորվել է հատուկ հանձնաժողով, ինչպես նաեւ առողջապահության եւ ներքին գործերի նախարարությունների ճգնաժամային հանձնաժողով։ Գերմանիան սերտորեն համագործակցում է այլ եվրոպական երկրների հետ, հավաստիացրել է Մերկելը։ Բոլոր քաղաքական միջոցները, նրա խոսքերով, կընդունվեն գերմանացի փորձագետների խորհրդատվությունների համաձայն։

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը