Կորոնավիրուսի տնտեսական հետեւանքները մեղմելու միջոցառումները Ֆրանսիային «տասնյակ միլիարդավոր եվրո» կարժենան

Կորոնավիրուսի տնտեսական հետեւանքները մեղմելու միջոցառումները Ֆրանսիային «տասնյակ միլիարդավոր եվրո» կարժենան: Այս մասին հայտարարել է երկրի ֆինանսների նախարար Բրունո Լե Մարեն:

Նա Նախագահ Դոնալդ Թրամփի` ԵՄ քաղաքացիների համար ԱՄՆ-ի սահմանները փակելու մասին որոշումը «աբերացիա» է անվանել` նշելով, որ այս քայլը պատմական անկման պատճառ է դարձել համաշխարհային շուկաներում, որի հետեւանքով փլուզվել են ֆրանսիական առաջատար շատ ընկերությունների բաժնետոմսերը:

«Մենք կօգնենք բոլոր այն ընկերություններին, որոնցում պետական բաժնետոմսեր կան` Air France-ին, Renault-ին»,- ասել է Լե Մարեն ֆրանսիական BFM TV հեռուստաալիքի եթերում: «Անկախ նրանից, թե որքան դա կարժենա, մենք կլինենք նրանց կողքին եւ կաջակցենք»,- հավելել է նա` չմանրամասնելով, թե ինչպես է կառավարությունը մտադիր օգնել այդպիսի ընկերություններին:

Մինչ այժմ Ֆրանսիայի կառավարությունն իր ջանքերը ուղղել էր մի շարք միջոցառումների միջոցով փոքր եւ միջին ձեռնարկություններին աջակցությանը` աշխատակիցների աշխատանքային ժամերի կրճատումից սկսած մինչեւ` դրամական միջոցների հոսքի հետ կապված խնդիրներ ունեցող ոչ մեծ ընկերությունների համար վարկերի երաշխիքների տրամադրումը: «Ի վերջո, դա տասնյակ միլիարդավոր եվրո կարժենա»,- ասել է Լե Մարեն` մեկնաբանելով, թե որքանով կարող է ճգնաժամն արժենալ պետությանը:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը