Ռոհանին հավաստիացրել է, որ Իրանը շուտով վերահսկողության տակ կառնի կորոնավիրուսի բռնկումը

Իրանի նախագահ Հասան Ռոհանին հավաստիացրել է, որ երկիրը կկարողանա շուտափույթ վերահսկողության տակ առնել նոր կորոնավիրուսի բռնկումը, փոխանցում է Mehr-ը:

«Մենք կհաղթահարնեք այս խնդիրն ամենակարճ ժամկետներում մահացության մինիմալ դեպքերով»,- ասել է Ռոհանին կառավարության նիստին: Նա քննադատել է «թշնամիներին», ովքեր օգտվել են այդ բռնկումից, կեղծ լուրեր եւ հայտարարություններ տարածելով, խաղաղությունն ու իրանցիների վստահությունը խաթարելու համար: «Նրանք կեղծ թվեր են ներկայացնում, պնդում են, որ մարդկանց տեղյակ չեն պահում իրական իրավիճակի մասին, մինչդեռ առաջին իսկ օրվանից, երբ մենք իմացել ենք վիրուսի ներթափանցման մասին, առողջապահության նախարարությանը հանձնարարվել է վիճակագրությամբ եւ տվյալներով իրազեկել մարդկանց»:

Նախագահը նաեւ քննադատել է Վաշինգտոնի հայտարարությունն Իրանին օգնելու պատրաստակամության մասին: «Դժբախտաբար, նրանք, ովքեր պատժամիջոցներ են կիրառել սննդի եւ դեղամիջոցների նկատմամբ, այժմ թաքնվում են կարեկցանքի դիմակի հետեւում` պնդելով, որ ձգտում են օգնել: Եթե նրանք անկեղծ են, թող գոնե չեղարկեն պատժամիջոցները դեղամիջոցների նկատմամբ: Սա կլինի առաջին քայլը»:

Ըստ վերջին տվյալների` Իրանում կորոնավիրուսի դեպքերի թիվը հասել է 2822-ի, իսկ մահացության դեպքերը` 92-ի:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը