Ղազախստանը կորոնավիրուսի տարածման պատճառով փակում է նավահանգիստներն ադրբեջանական նավերի համար

Ղազախստանի նավահանգիստներում ժամանակավորապես դադարեցված է Ադրբեջանից եւ Իրանից ժամանող նավերի սպասարկումը: Այս միջոցառումը կապված է կորոնավիրուսի տարածման սպառնալիքի հետ, հայտնում է Sputnik-Kazakhstan-ը` վկայակոչելով Ղազախստանի արդյունաբերության նախարարությունը:

Արտասահմանյան բեռնատար նավերի անձնակազմերի համար արգելք է դրվում Ակտաու եւ Քուրիք նավահանգիստներում: Ձեռնարկված միջոցառումների վերաբերյալ տեղեկատվությունը կհասցվի մերձկասպյան երկրների ծովային վարչակազմերին:

Բացի այդ, Իրանի քաղաքացիներին կարգելվի մուտք գործել Ղազախստան մարտի 5-ից: Այս մասին հայտարարել է երկրի արտաքին գործերի նախարար Մուխտար Թլեուբերդին: Միեւնույն ժամանակ, Ղազախստանի իշխանությունները մարտի 5-ից դադարեցրել են Նուր-Սուլթան-Բաքու չվերթը, Ալմաթիից դեպի Բաքու թռիչքների քանակը կրճատվել է հինգից մինչեւ մեկ, իսկ Ակտաու-Բաքու չվերթը սահմանափակվել է յոթից մինչեւ մեկ:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը