Ամսական 89 մլն դիմակ. ԱՀԿ-ն հայտնել է կորոնավիրուսի դեմ պայքարում դիմակների անհրաժեշտ քանակը

Կորոնավիրուսի դեմ պայքարելու համար ամեն ամիս անհրաժեշտ է մոտ 89 միլիոն բժշկական դիմակ, հայտնել է Առողջապահության համաշխարհային կազմակերպության գլխավոր տնօրեն Թեդրոս Ադհանոմ Գեբրեյեսուսը:

«Ամեն ամիս COVID-19-ից պաշտպանվելու համար մոտ 89 միլիոն բժշկական դիմակ, 76 միլիոն ձեռնոց և 1,6 միլիոն պաշտպանիչ ակնոց անհրաժեշտ կլինի»,- նշել է Գեբրեյեսուսը:

Նա անհանգստություն է հայտնել այն առնչությամբ, որ ստեղծված իրարանցման հետևանքով որոշ երկրներում հնարավոր չէ պաշտպանիչ դիմակներ գնել: Գեբրեյեսուսը նշել է, որ պահանջարկի մեծացմանը զուգահեռ բարձրացել են նաև գները: Միջինում բժշկական դիմակների արժեքը ավելացել է վեց անգամ, խալաթներինը՝ երկու անգամ, իսկ ռեսպիրատորներինը` 3 անգամ:

«Ձեռնոցները, բժշկական դիմակները, ռեսպիրատորները, պաշտպանիչ դիմակները, խալաթները և գոգնոցներն արդեն առողջապահության աշխատակիցների համար չեն բավականացնում»,- նշել է ԱՀԿ նախարարը:

ԱՀԿ վերջին տվյալների համաձայն` ամբողջ աշխարհում հաստատվել է COVID-19 վարակման 90 983 դեպք, որից 3110-ը` մահվան ելքով: Վերջին 24 ժամվա ընթացքում Չինաստանը հայտնել է վարակման 129 դեպքի մասին,ինչը հունվարի 20-ից հետո ամենացածր թիվն է:

Չինաստանի սահմաններից դուրս 48 երկրներից հայտարարել են վարակման 1848 դեպքի մասին, որից 80 տոկոսը Հարավային Կորեսայից, Իրանի Իսլամական Հանրապետությունց և Իտալիայից են:

12 երկրներ հայտնել են վարկման առաջին դեպքերի մասին, ինչպես նաև 21 երկրում կա վարակման ընդամենը մեկ դեպք:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը