Սան Ֆրանցիսկոյի իշխանությունները կորոնավիրուսի պատճառով արտակարգ դրություն են հայտարարել

Սան Ֆրանցիսկոյի (Կալիֆորնիա) քաղաքապետ Լոնդոն Բրիդը երեքշաբթի քաղաքում արտակարգ դրություն է հայտարարել՝ նոր կորոնավիրուսի տարածման սպառնալիքի պատճառով: Այս մասին ասվում է քաղաքի պաշտոնական կայքում հրապարակված հայտարարության մեջ, փոխանցում է ՏԱՍՍ-ը:

Ինչպես հետեւում է փաստաթղթից, մինչ օրս Սան Ֆրանցիսկոյում վարակի ոչ մի դեպք չի գրանցվել: Նշված միջոցը ձեռնարկվել է այդպիսի հնարավորության նախապատրաստվելու համար: Քաղաքային իշխանությունները հայտարարել են, որ «աշխարհում իրավիճակն արագորեն փոխվում է»: «Հաշվի առնելով ուղեւորների ինտենսիվ հոսքը Սան Ֆրանցիսկոյի եւ մայրցամաքային Չինաստանի միջեւ` հնարավոր է, որ ժամանակի ընթացքում մեկ կամ մի քանի դեպք գրանցվի»,- նշվում է հայտարարության մեջ:

Արտակարգ դրության ռեժիմը կգործի Սան Ֆրանցիսկոյում մեկ շաբաթ: Այն երկարաձգելու մասին որոշումը կկայացնի հատուկ հանձնաժողովը: ԱՄՆ քաղաքներում եւ նահանգներում իշխանությունները սովորաբար արտակարգ դրություն են հայտարարում միայն բնական աղետների դեպքում: Սա նրանց թույլ է տալիս լրացուցիչ միջոցներ եւ ռեսուրսներ պահանջել դաշնային իշխանություններից:

SFGate ինտերնետային պորտալի համափայն` քաղաքի բժշկական հաստատությունները օգնություն են տրամադրում ԱՄՆ երեք քաղաքացիներին, ովքեր վարակվել են նոր կորոնավիրուսով երկրի տարածքից դուրս:

Այս թեմայով Դանիան առաջինը Եվրոպայում հանել է COVID-19-ի պատճառով մտցված բոլոր սահմանափակումները Պատվաստումների մասին կեղծ տեղեկություններ տարածողների նկատմամբ պետք է ձեռնարկվեն ամենախիստ միջոցները.Վլադիմիր Կրուգլի Մեծ Բրիտանիայի իշխանությունները ՃՏՊ-ի զոհերի մահը վերագրել են COVID-19-ին. Daily Mail Լոնդոնում հակակորոնավիրուսային սահմանափակումների հնարավոր խստացման դեմ բողոքի ցույց է անցկացվել Ռումինիայում հարյուրավոր ծնողներ բողոքի ցույցի են դուրս եկել՝ պահանջելով չեղարկել դպրոցներում դիմակներ կրելու պարտադիր պահանջը