2030-ի ամռանը Հյուսիսային Սառուցյալ օվկիանոսի սառույցը կարող է ամբողջովին հալչել. գիտնականներ

Մինչդեռ ԱՄՆ նախագահ Դոնալդ Թրամփը ցանկանում է դուրս գալ 2015-ին կնքված Փարիզյան համաձայնագրից, որն ստորագրել են նրա նախորդ Բարաք Օբաման և շուրջ 200 այլ համաշխարհային առաջնորդներ, կլիմայական փոփոխությունները շարունակում են ահազանգ հնչեցնել:

Ինչպես հայտնում է Agence France Presse-ը, գիտնականների խոսքով` Երկրի միջին գլոբալ ջերմաստիճանը նոր ռեկորդներ է գրանցում, իսկ ծովի սառույցը հալչում է: Միևնույն ժամանակ եղանակային ծայրահեղ պայմաններն ավելի հաճախակի են դարձել, և որոշ տեսակներ կանգնած են անհետացման եզրին:

Ուսումնասիրությունները ցույց են տվել, որ Երկրի մակերեսի ջերմաստիճանը 2016-ին երրորդ տարին անընդմեջ ռեկորդ է գրանցել 1880-ականներից ի վեր:

Մինչ օրս գրանցված 17 ռոկորդային ամենաշոգ տարիներից 16-ը գրանցվել է 21-րդ դարում:

Գիտնականների խոսքով` աշխարհի խոշորագույն քաղաքքներից մի քանիսում ջերմաստիճանը 2100 թվականին կարող է 8 աստիճանով ավելի բարձր լինել` ըստ Ցելսիուսի:

Օվկիանոսային սառույցների հալոցքները ևս ռեկորդային տեմպեր են գրանցում: Հյուսիսային Սառուցյալ օվկիանոսը, ըստ կանխատեսումների, կարող է 2030-ի ամռանն առնաց սառույցի մնալ: