Չիլի պղպեղն օգնում է նիհարել

Սննդի մեջ չիլի տաքդեղի կանոնավոր գործածումը նպաստում է նիհարելուն ու մարսողության բարելավմանը։ Նման եզրակացության է հանգել գիտնականների միջազգային խումբը՝ ռուս փորձագետների մասնակցությամբ։ Նրանց աշխատանքի մասին հաշվետվությունը կհրապարակվի International Journal Of Food Sciences And Nutrition ամսագրում, փոխանցում է Life–ը։

Գիտնականները պարզել են, որ իր առանձահատկություններով չիլի տաքդեղը պարտական է կապսաիցին նյութին, որը խթանում է ճարպերի մետաբոլիզմը, արագացնում էներգիայի ծախսը, նաեւ կարգավորում արյան մեջ ինսուլինի քանակն ու արդյունքում նպաստում քաշի նվազմանը։ Կապսաիցինը, ի դեպ, այն նույն նյութն է, որը չիլի տաքդեղին կծվություն է հաղորդում։

Հետազոտության ընթացքում գիտնականները վերլուծել են մարդու վրա չիլի պղպեղի ազդեցության մասին աշխատանքների մեծ ծավալ, նաեւ մարդկանց վրա փորձեր իրականացրել։

NEWS.am