Հեռախոսի հավելվածից չեք թաքցնի ձեր զգացմունքները

Մասսաչուսետսի տեխնոլոգիական համալսարանի հետազոտական թիմը բջջային հեռախոսի հավելված է ստեղծել, որը կարողանում է սովորական զրույցի ժամանակ ֆիքսել մարդկային զգացմունքները։

Այդ մասին հաղորդում է The Verge –ը։

Գիտնականները հավելվածի մեջ ներկառուցել են ֆիտնես–թևնոց, որի շնորհիվ կարողանում են հավաքել տեղեկատվություն և վերլուծել զրույցի ընդհանուր երանգները։ Արհեստական ինտելեկտի օգնությամբ ծրագիրը կարող է որոշել, թե խոսակցության որ պահին մարդը ուրախացավ կամ տխրեց, ինչպես նաեւ ֆիքսել զգացմունքային փոփոխությունները հինգ վայրկյան միջակայքերի ընթացքում։

Բացի դրանից, արհեստական ինտելեկտը հաշվում է մաշկի ծածկույթի ջերմաստիճանը, զարկերակի հաճախականությունը, ինչպես նաեւ խոսողի շարժումները, օրինակ՝ ձեռքերը թափահարելը։ Նեյրոցանցը կարողացել է որոշել խոսակցության տոնը 83% ճշգրտությամբ։
Ավելի վաղ հայտնի էր դարձել, որ ռոբոտը հաջողությամբ անցել է «մարդկայնության» տեստը։

Top-News.am