Ո՞վ է լինելու Հայաստանի վարչապետը մեկ տարի հետո
Այս մասին հայտնել է ՀՀ վարչապետ Կարեն Կարապետյանը Ավստրիայի Հանրային ռադիոյի թղթակից Էլիզա Վասի հետ հարցազրույցում, որից մի հատված ներկայացնում ենք ստորև:
- Դուք պատրաստ ե՞ք վարչապետ մնալ 2018 թվականին եւ դառնալ հանրապետության ղեկավար։
- Պատրաստ եմ։
- Դուք ցանկանում ե՞ք դա։
- Ես այս հարցին չափազանց իրատեսորեն եմ մոտենում։ Երբեք չեմ երազել վարչապետ լինել, եւ ոչ էլ ձգտել եմ գործադիր իշխանությանը։ Իմ այսօրվա պատրաստակամությունը ես ձեւակերպում եմ ոչ թե որպես իշխանության ձգտում, այլ որպես մեր երկրում շատ բան փոխելու ցանկություն։
- Ինչպիսին եք տեսնում Հայաստանը 5 տարի անց, ի՞նչը պետք է փոխվի։
- Հինգ տարի հետո Հայաստանում շատ բան պետք է փոխվի` որոշումներ կայացնելու ընթացակարգը, հասարակության եւ էլիտայի հարաբերությունները, հասարակական կյանքում էլիտայի տեղի ընկալումը, մեր քաղաքացիների կրթության մակարդակը, բիզնեսի վարման պայմանները։
- Իմ առաջին տպավորությունը Հայաստանից այնպիսին է, որ հայերն այնքան էլ լավատես չեն։ Ինչպե՞ս կարող եք փոխել տրամադրությունները երկրում։
- Ցավոք, մեզ մոտ իսկապես առկա են այն տրամադրությունները, որոնց մասին դուք ասացիք։ Դրա մեջ որոշակի պատմական ասպեկտ կա, քանի որ մեր պատմության ընթացքում մենք հաճախ հայտնվել ենք ծանր իրադրություններում եւ ստիպված ենք եղել գոյատեւել եւ պայքարել մեր ազգային ինքնության համար։ Մեր քաղաքացիների կյանքի այսօրվա սոցիալ-տնտեսական պայմանները, տարածաշրջանային իրավիճակը նույնպես մարդկանց տրամադրությունների վրա ազդող գործոններ են։ Բայց մենք պատրաստ ենք դա փոխել մեր քրտնաջան աշխատանքով։
Հիշեցնենք, որ մայիսի 9-ին Կարեն Կարապետյանը՝ պատասխանելով լրագրողների մեկի այն հարցին, թե 2018 թվականին ինչպիսին կլինի վարչապետի քաղաքական ճակատագիրը, ասաց, որ իր ճակատագիրը հայտնի է. «2018 թվականի իմ ճակատագիրը հայտնի է»:
Լրագրողի այն դիտարկմանը, թե քաղաքագետները պնդում են, որ Սերժ Սարգսյանը 2018 թվականին վարչապետի պաշտոնը ստանձնելու համար քայլեր է ձեռնարկում, վարչապետ Կարապետյանը նշեց, որ ինքը նման քայլեր չի նկատում.
«Ոչ», - կարճ պատասխանեց վարչապետը:
Ինչ վերաբերվում է Կարեն Կարապետյանի ՀՀ Ազգային ժողովի նախագահի պաշտոնի հնարավոր ստանձնումը, վարչապետն ասաց. «Ինչո՞ւ ոչ, կքննարկենք»:
Վիճակագրությունները չեն համընկնում. վարչապետը հստակեցում է պահանջում
Եվրամիությունը չի հասկանում Իրանում պատերազմի նպատակները. Կալաս
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Առանց ռուսական նավթի, երբ մոտ է վառելիքի գլոբալ դեֆիցիտը
Այլ երկրի կողմից մեկ ուրիշ երկիր զորքերի ուղարկումը «շատ նենգ, անխոհեմ և անօրինական» գործողություն է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ