Ժամանակավորապես դադարեցնում եմ իմ բժշկական գործունեությունը` հասարակական-քաղաքական ավելի ակտիվ պայքար մղելու համար
Սիրելի՛ գործընկերներ, բուժառուներ, լրագրողներ, հայրենակիցներ,
Այսօր լրանում է իմ 38-ամյակը, որից 15 տարին նվիրել եմ մարդկային կյանքերի փրկության գործին։ Լինելով Հիպոկրատի երդմանը հավատարիմ` սիրել ու բարձր եմ գնահատել իմ ուսուցիչներին, յուրաքանչյուր պահի պատրաստ եմ եղել իմ գիտելիքով ու ունակություններով ծառայել մեր հանրության առողջական վիճակի բարելավմանը։
Իմ մասնագիտությունը կարգելով թիվ մեկը իմ կյանքում` վերջին տարիներին ակտիվ գործունեություն եմ ծավալել նաև մեր երկրի հասարակական-քաղաքական ոլորտում։ Բոլոր քաղաքական գործընթացները գնահատելով բժշկի աչքով` մեր երկրին կենդանություն վերադարձնելու համար պայքարել եմ այնպես, ինչպես մարդկային յուրաքանչյուր կյանքի համար եմ պայքարում։
Ցավով եմ փաստում, որ մեր հայրենիքն այսօր ծանր հիվանդ է, գտնվում է զավթիչների ձեռքում և ես, որպես Հիպոկրատի երդվյալ, պարտավոր եմ իմ կյանքն ու առողջությունը նվիրել Հայաստանի «առողջության» պաշտպանության գործին։
Որոշ մարդկանց համար անցանկալի իմ հասարակական-քաղաքական ակտիվությունը պատճառ է հանդիսացել նրանց կողմից քաղաքական հետապնդումների համար (և՛ նախորդ, և՛ ներկա ռեժիմների օրոք)։ Իմ անունը պարբերաբար կապվել է իմ ղեկավարների հետ, որտեղ էլ որ ես աշխատելիս լինեի (վերջին երեք տարվա ընթացքում փոխել եմ երեք աշխատատեղ), ինչն անընդունելի է ինձ համար։
Այսօր, իմ 38-ամյա հոբելյանի օրը, ես հայտարարում եմ, որ ժամանակավորապես դադարեցնում եմ իմ բժշկական գործունեությունը` հասարակական-քաղաքական ավելի ակտիվ պայքար մղելու համար։
Շնորհակալություն եմ հայտնում իմ բոլոր գործընկերներին` պրոֆեսիոնալիզմի, անձնվեր աշխատանքի, մեր սուրբ գործին իրենց նվիրվածության և ջերմ ընկերական հարաբերությունների համար։ Դուք անկրկնելի եք։ Ես բոլորիդ ի սրտե սիրում եմ։
Ներողություն եմ խնդրում իմ բոլոր բուժառուներից, որ ժամանակավորապես չեմ կարող իրենց ցուցաբերել մասնագիտական օգնություն։
Բոլոր այն մարդկանց, ովքեր մտահոգված են իմ ապրուստի միջոցով, հիշեցնում եմ, թե ով է իմ եղբայրը և որտեղ է նա գտնվում։ Համոզված եղեք, որ ես ապահով ձեռքերում եմ։
Հասունացել է պահը, որ ես ժամանակս ու կյանքս նվիրեմ Հայաստան աշխարհի պաշտպանության գործին։
Հայրենիքի ոչ մի դավաճան այլևս ներում չի ունենալու։
Հայրենիքի դեմ դավեր նյութող յուրաքանչյուր ոք պատասխան է տալու հայ ազգի ու հայկական օրենքների առաջ։
Դե բռնվեք …
Հ.Գ. Այսօր աշխատանքից ազատման վերաբերյալ դիմում եմ ներկայացրել «Միքայելյան» վիրաբուժության ինստիտուտի տնօրենին
Մարինա Խաչատրյանի ֆեյսբուքյան էջից
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Մոսկվայի բոլոր օդանավակայանները կրկին դադարեցրել են աշխատանքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար