Այսուհետև վարչապետի կամքով պարտադրված դատական վճիռները կկոչվեն վնգստոցներ. Վահան Իշխանյան

Հրապարակախոս Վահան Իշխանյանը գրառում է կատարել ֆեյսբուքյան էջում, որում, մասնավարպես, նշել է.

«Նոր քաղբանտարկյալ. դատական որոշ վճիռներ այլ անուն են սկսում ստանալ

Երրորդ քաղբանտարկյալը՝ Սարգիս Օհանջանյան, դատարանը նրան կալանքի սանկցիա է տվել այն բանի համար, որ նկարահանել է այն, որ Նարեկ Մութաֆյանը արտասանել է վարչապետի խոսքը՝ վնգստացող դատավորների մասին։

Ինչքան էլ տհաճ է կրկնենել վարչապետի արտահայտությունները, բայց մարդու իրավունքների պաշտպանությունը ստիպում է դա անել հաստատագրելու համար, որ այսուհետև վարչապետի կամքով պարտադրված դատական վճիռները կկոչվեն վնգստոցներ։

Ավելի վաղ, Վահան Իշխանյանը ևս մեկ գրառում էր արել՝ նշելով, որ «Նոր Հայաստանը ունեցավ իր երկրորդ քաղբանտարկյալը։ Առաջինը բանտում է և մեղադրվում է այն բանն անելու մեջ, ինչը արել է երկրի վարչապետը, երկրորդը բանտում է և մեղադրվում է այն բանն ասելու մեջ, ինչը ասել է երկրի վարչապետը»»։