Սա 17 նախարարությունների կազմով կառավարության վերջին նիստն է. Նիկոլ Փաշինյան

Արդեն ուժի մեջ է մտնում կառավարության կառուցվածքի վերաբերյալ նոր օրենքը, սա 17 նախարարւթյունների կազմով մեր վերջին նիստն է: Այս մասին, այսօր՝ մայիսի 30-ին, կառավարության նիտում հայտարարեց ՀՀ վարչապետ Նիկոլ Փաշինյանը:

Նա շնորհակալություն հայտնեց բոլոր նախարարներին այս ընթացքում կատարած աշխատանքի համար. «Նրանք, որոնք կշարունակեն աշխատանքը, հաջողություն եմ մաղթում, նրանք, որոնք չեն շարունակի իրենց աշխատանքը, ուզում եմ շնորհակալություն հայտնել կատարված աշխատանքի համար: Ես գոնե համոզված եմ, որ այն կառուցվածքային փոփոխությունները, որոնք արվել են, դրանք շատ երկար, նույնիսկ կարող է թվալ չափից ավելի երկար քննարկվել են, վերլուծվել են, դիտարկվել են եւ մենք համոզված ենք, որ դա ճիշտ որոշում է: Այդ ճիշտ որոշման արդյունքում մենք ունենալու ենք դրական արդյունքներ, մեծանալու է կառավարության աշխատանքի որակը, որից, եկեք խոստովանենք, որ մենք ինքներս էլ առանձնապես գոհ չենք: Մեծանալու է կառավարության մոբիլության մակարդակը, որն ի վերջո նաեւ պետք է խթան հանդիսանա տնտեսական այն տեսլականի իրականացման համար, որոնք նախանշված են կառավարության ծրագրում եւ «Իմ քայլը» դաշինքի նախընտրական ծրագրում»,-ընդգծեց Փաշինյանը:

Նշենք, որ Կառավարության կառուցվածքի մասին օրենքի փոփոխություններով Կառավարությունն ունենալու է 12 նախարարություն: