Հայաստանում քաղբանտարկյալներ կա՞ն. պարզաբանում է Արման Թաթոյանը
Այսօր ԱԺ մարդու իրավունքների պաշտպանության և հանրային հարցերի մշտական հանձնաժողովում քննարկվող ՄԻՊ 2018թ-ի տարեկան զեկույցի ընթացքում ԱԺ պատգամավոր Թագուհի Թովմասյանը Մարդու իրավունքների պաշտպան Արման Թաթոյանից հետաքրքրվեց, թե արդյո՞ք սոցիալական ցանցերում ատելություն տարածող խմբերի մասին տեղեկություններ պարզվել են՝ ի՞նչ խմբեր էին, ի՞նչ նպատակ ունեին և ի՞նչ հետևանք ունեցավ Մարդու իրավունքների պաշտպանի արձանագրումը:
Մարդու իրավունքների պաշտպանը նշեց, որ սոցիալական ցանցերում ատելության ու ագրեսիայի խնդիրը հիմա էլ կա, այլախոհությունը չի հանդուրժվում:
«Ատելություն, բռնության կոչը, սպառնալիքը չի պաշտպանվում խոսքի ազատությամբ: Այդպես բոլոր երկրներում է: Եվ երբ կոնկրետ սպառնալիք է եղել, մենք միշտ հասցրել ենք դա ոստիկանություն կամ դատախազություն: Եվ քրեական վարույթներ եղել են: Բայց, օրինակ, դեռ 2017-ին իրավապաշտպան Արթուր Սաքունցի նկատմամբ բռնության սպառնալիքներ էին հնչել, սակայն այդպես էլ այդ գործը չբացահատվեց, քանի որ մեխանիզմներն արդյունավետ չեն»:
Արման Թաթոյանը կարևորեց լրագրողների դերն այս հարցում, որպեսզի հետևողականորեն հեռացվեն սպառնալիք պարունակող մեկնաբանությունները: Նաև ավելացրեց, որ հաճախ հարցազրույց տվողը նույնացվում է լրագրողի հետ, ու սպառնալիքներն ուղղվում են լրագրողին:
Թագուհի Թովմասյանի հաջորդ հարցը վերաբերում էր ՄԻՊ-ի նշած այն խնդրին, որ բժշկական ծառայություններից պատշաճ կերպով օգտվելու դժվարություններ կան, հատկապես պետպատվերի շրջանակում:
«Պետական պատվերով նախատեսված ծառայությունների շրջանակը մեծացվել է, բայց համակարգը պատրաստ սպասարկման: Մենք բժիշկներից էլ բողոքներ ունենք, որ իրենք չեն հասցնում սպասարկել, քաղաքացիներից էլ կան բողոքներ, որ չեն սպասարկվում: Օրինակ՝ տեղեր կան, որ հերթագրումով է, և երբ հերթի ցանկն ավարտվում է, մարդուն պետք է կամ մերժեն, կամ ուղղորդեն վճարովի ծառայությունից օգտվելու»:
Իսկ այն հարցին, թե արդյո՞ք Հայաստանում տեղի են ունենում քաղաքական հալածանքներ, ինչպես հաճախ է վերջին շրջանում նշվում, և արդյո՞ք Հայաստանում կան քաղբանտարկյալներ, որպես չեզոք կողմ՝ ՄԻՊ-ը նշեց․
«Բազմիցս նշել եմ՝ Մարդու իրավունքների պաշտպանը չունի այն գործիքը, որ քաղաքական գնահատականներ տա: Այլ հարց է, որ մարդու իրավունքների տեսանկյունից յուրաքանչյուր հարց իմ ուշադրության կենտրոնում է»:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Փոխվարչապետ Մհեր Գրիգորյանի և ԵՄ ընդլայնման հարցերի հանձնակատար Մարթա Կոսի հայտարարությունները
Իրանում 19-ամյա ըմբշամարտիկի մահապատիժը նոր մտահոգությունների ալիք է բարձրացրել
Էնցո Ֆերնանդեսը ցանկանում է հեռանալ Չելսիից
ՄԱԿ-ը կոչ է անում ստեղծել անվտանգ նավագնացության միջանցք՝ Պարսից ծոցից նավերը դուրս բերելու համար
ՄԻՊ-ն ընդունել է Մարդու իրավունքների եզդիական կենտրոնի ղեկավարին