Ռուս պանկերները զանգել են Մակրոնին եւ ներկայացել որպես Զելենսկի
Ռուս պանկերներ Վլադիմիր Կուզնեցովը եւ Ալեքսեյ Ստոլյարովը Վլադիմիր Զելենսկու անունից զանգահարել են Ֆրանսիայի նախագահ Էմանուել Մակրոնին՝ հայտնում է ՌԻԱ Նովոստին։
Ձայնագրությունը սկսվում է անհայտ ռուսախոս տղամարդու զանգից Մակրոնի ենթադրյալ օգնականին, որը հարցնում է զրուցակցից, թե արդյոք նա «պարոն Զելենսկին» է։ Զրուցակիցը պատասխանում է, որ ինքը Ուկրաինայի ընտրված նախագահի օգնականն է եւ «նրան է տալիս լսափողը»։
Առաջին հերթին Մակրոնը շնորհավորում է «Զելենսկուն» եւ ցանկանում նրան մտերիմների եւ հարազատների հետ վայելել Ուկրաինայի նախագահական ընտրություններում հաղթանակը։
«Շատ շնորհակալություն ձեր աջակցության համար, 73 տոկոս՝ ես ինձ զգում եմ ինչպես Վլադիմիր Պուտին՝ նա էլ նման արդյունքներ ուներ»,- կատակում է որպես Զելենսկի ներկայացող զրուցակիցը։
Այնուհետեւ զրուցակիցները քննարկում են Պյոտր Պորոշենկոյի արտահանձնման հարցը՝ այն դեպքում, եթե նա որոշի Ֆրանսիայում թաքնվել ուկրաինական արդարադատությունից։ «Զելենսկին» նաեւ նշում է, որ Ուկրաինային անհրաժեշտ է Ռուսաստանի հետ երկխոսության գնալ։
Մակրոնը համաձայնում է հաքերի ակնարկի հետ, որ կարգավորման մինսկյան ձեւաչափի համար «Պորոշենկոն այնքան էլ հարմար խաղացող» չէր, եւ որ «նա ուղղակի ձգում էր խաղաղ համաձայնագրի կնքումը եւ այդ սարսափելի հակամարտության ավարտը»։
«Պորոշենկոն հրաժարվում է կատարել Մինսկի պայմանավորվածությունների դրույթները։ Սակայն ես կարծում եմ, որ մեզ փոխզիջում է անհրաժեշտ։ Նախկին քաղաքականությունն անարդյունավետ էր, այն միայն պառակտում էր առաջացնում Ուկրաինայի ներսում եւ խանգարում էր Եվրոպայի միավորմանը»,- ասում է հաքերը։
«Ես կարծում եմ՝ դու 100 տոկոսով ճիշտ ես։ Եվ դու ծանրակշիռ հիմնավորումներ ունես այդպես մտածելու համար։ Այդ պատճառով, թանկագին Վլադիմիր, դու կարող ես ակնկալել իմ աջակցությունը»,- համաձայնում է Ֆրանսիայի նախագահը։
Վերջում հաքերը շնորհավորում է Մակրոնին Զատկի կապակցությամբ եւ հայտարարում որ գնում է հաղթանակը նշելու, բայց «այնքան չի հարբի, ինչպես սովորաբար անում էր Պորոշենկոն»։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Փոխվարչապետ Մհեր Գրիգորյանի և ԵՄ ընդլայնման հարցերի հանձնակատար Մարթա Կոսի հայտարարությունները
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
ՄԱԿ-ը կոչ է անում ստեղծել անվտանգ նավագնացության միջանցք՝ Պարսից ծոցից նավերը դուրս բերելու համար
ՄԻՊ-ն ընդունել է Մարդու իրավունքների եզդիական կենտրոնի ղեկավարին
Էնցո Ֆերնանդեսը ցանկանում է հեռանալ Չելսիից
Իրանում 19-ամյա ըմբշամարտիկի մահապատիժը նոր մտահոգությունների ալիք է բարձրացրել