Տղամարդուն հաջողվել է թռիչք կատարել ինքնաշեն մեքենայով (տեսանյութ)
Իտալիայի Տոսկանա մարզում ծագումով լեհ Թոմաշ Պատանն ինքնաշեն մեքենայով առաջին բարեհաջող թռիչքն է իրականացրել, գրում է Daily Mail-ը:
Տեսանյութում երևում է, թե ինչպես է վարորդն օդում արագություն զարգացնում և անգամ 180 աստիճանի պտույտ կատարում:
Jetson Speeder անունով սարքը ստեղծված է բաց տանիքով մրցարշավային մեկտեղանի մեքենայի մոդելի հիման վրա, սակայն ի տարբերություն մրցարշավային մեքենայի Թոմաշի մեքենան կարողանում է թռչել:
Սարքի նախագծման ու փորձարկման վրա ամիսներ են ծախսվել: Պատանի խոսքով՝ թռիչքը հրաշալի է անցել, և ինքը ֆանտաստիկ զգացողություններ է ունեցել:
«Օդում այդքան հեշտությամբ, առանց աղմուկի ու ցնցումների թռչելն ուղղակի հրաշալի էր, բոլորը պետք է փորձեն դա»,- ասել է սարքի հեղինակը:
Հաղորդվում է, որ մինչ բարեհաջող թռիչք իրականացնելը սարքը բազմիցս փոփոխվել է: Մասնագետը ևս մի թռչող մեքենա է նախագծել, որի արտադրությունը նախատեսվում է սկսել այս տարեվերջին:
«Նախագծման ու փորձարկումների ընթացքում մենք շատ բան ենք սովորել և ի վերջո կարողացել ենք սարքն ապահով ու անվտանգ դարձնել: Մենք կատարել ենք մեր առջև դրված առաջադրանքները և հավաքել բոլոր անհրաժեշտ տվյալները»,- ասել է Թոմաշը՝ կարևորելով այդ քայլերի դերն արտադրության համար նախատեսված սարքի նախատիպը ստեղծելու գործում:
Առանց ռուսական նավթի, երբ մոտ է վառելիքի գլոբալ դեֆիցիտը
Փոխվարչապետ Մհեր Գրիգորյանի և ԵՄ ընդլայնման հարցերի հանձնակատար Մարթա Կոսի հայտարարությունները
ՄԻՊ-ն ընդունել է Մարդու իրավունքների եզդիական կենտրոնի ղեկավարին
ՄԱԿ-ը կոչ է անում ստեղծել անվտանգ նավագնացության միջանցք՝ Պարսից ծոցից նավերը դուրս բերելու համար
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
Իրանում 19-ամյա ըմբշամարտիկի մահապատիժը նոր մտահոգությունների ալիք է բարձրացրել
ԱԱԾ տնօրենը հայտարարել է, որ Եզրաս արքեպիսկոպոս Ներսիսյանը եղել է ԽՍՀՄ ՊԱԿ գործակալ
Ատլետիկոն պարտվեց Լոնդոնում, բայց դուրս եկավ քառորդ եզրափակիչ
3 տարում՝ 125 հեռակա քրեական վարույթ. քանի՞ մեղադրյալ է հայտնաբերվել կամ վերադարձել Հայաստան
Փեզեշքիան. ԱՄՆ ագրեսիան ոչնչացնում է համաշխարհային իրավական համակարգը