Ես պարտավոր չեմ բոլոր բիզնեսմենների խնդիրներին ծանոթանալ․ Հայկ Մարության (տեսանյութ)
Օպերայի հարակից տարածքի սրճարանների որոշ մասի ապամոնտաժումը վերջնական է։ Բոլոր բիզնեսներն ունեն ինչ-որ խնդիրներ, բայց ես պարտավոր չեմ բոլոր բիզնեսմենների խնդիրներին ծանոթանալ։
Այս մասին այսօր Երևանի ավագանու նիստից հետո լրագրողների հետ զրույցում ասաց քաղաքապետ Հայկ Մարությանը։ «Մենք ընդհանրապես, երբ ինչ-որ որոշում ենք կայացնում, քննարկում ենք, նոր կայացնում ենք, և բնականաբար, որոշումը վերջնական է։ Ես պարտավոր չեմ բոլոր բիզնեսմենների խնդիրներին ծանոթանալ, բոլոր բիզնեսներն էլ ունեն ինչ-որ խնդիրներ։ Ես պարտավոր եմ միայն այն պայմանագրին ծանոթ լինել, որում նկարագրվում են քաղաքապետարանի և բիզնեսի հարաբերությունները»,- նշեց քաղաքապետը։
Հիշեցնենք, որ Օպերայի մերձակայքում՝ անմիջապես Ազատության հրապարակին հարող հատվածում, քաղաքի սեփականությունը հանդիսացող հողամասերը վարձակալած և սրճարանային բիզնես ծավալած տնտեսվարողները քաղաքապետարանի համապատասխան ստորաբաժանումից ծանուցում են ստացել, որով առաջարկվում է նրանց հրաժարվել վարձակալության իրավունքով տրամադրված հողամասերի մի մասից:
Սրճարանատերերին տրված 30-օրյա ժամկետն արդեն լրացել է, բայց ապամոնտաժման գործընթացը դեռ չի սկսվել կադաստրային և այլ հարցերի պատճառով․ «Այս պրոցեսները պետք է ընդհանուր անցնեն օրենքին համապատասխան կերպով։ Մենք շարժվելու ենք միայն օրենքին համապատասխան»,- ասաց Հայկ Մարությանը։
Սրճարանատերերը նշում են, որ տարիներ շարունակ սրճարանները բետոնի վրա են եղել, այդտեղ կանաչապատ տարածք չի եղել։ Քաղաքապետարանը նրանցից պահանջում է հրաժարվել վարձակալության պայմանագրից, բայց շատերի պայմանագրերը մինչև 2026 թ․-ն է։
Հարցերի առնչությամբ քաղաքապետը նշեց․ «Վերջին պնդման հետ ընդհանրապես համաձայն չեմ, այդպիսի միտում չկա ընդհանրապես։ Ձեր նշած սրճարաններն այլ տեղերում էլ կան, եթե որոշում լիներ հենց այդ սրճարանների հետ կապված գործողություններ, այլ կերպ կարվեր։ Հայաստանում ոչ մի գործողություն չի կատարվում ինչ-որ մեկի կամ կազմակերպության դեմ, եթե նա գործում է օրենքի սահմանում։
Տարիներ շարունակ խոսակցություններ կան, որ գրավել են Օպերայի հարակից տարածքները, սա մշակութային օջախ է։ Դուք շատ լավ գիտեք երևանցիների վերաբերմունքը դրան, և վերջապես եկել է մի իշխանություն, որի ձեռքերն ազատ են, կապված չէ ոչ մեկից և ոչ մի բանից, և նա կարողանում է իրագործել երևանցիների ցանկությունը։ Եթե մենք նայենք ամբողջ աշխարհի օպերայի շենքերին, այսպիսի բան գոյություն չունի»։
Դիտարկմանը, թե տնտեսվարողները ներդրումներ են արել, վարկեր ունեն վերցրած, Հայկ Մարությանն արձագանքեց․ «Բոլոր տնտեսվարողներն ունեն պայմանագիր քաղաքապետարանի հետ և իրենց գործունեությունը ծավալում են այդ պայմանագրի ներքո, և մենք այդ պայմանագրից երբեք դուրս չենք գալիս։ Մեր գործողությունները միայն այս պայմանագրի ներքո են, այնպես որ այստեղ հարցերն ինձ համար անհասկանալի են»։
Առանց ռուսական նավթի, երբ մոտ է վառելիքի գլոբալ դեֆիցիտը
ՄԻՊ-ն ընդունել է Մարդու իրավունքների եզդիական կենտրոնի ղեկավարին
ՄԱԿ-ը կոչ է անում ստեղծել անվտանգ նավագնացության միջանցք՝ Պարսից ծոցից նավերը դուրս բերելու համար
Իրանում 19-ամյա ըմբշամարտիկի մահապատիժը նոր մտահոգությունների ալիք է բարձրացրել
ԱԱԾ տնօրենը հայտարարել է, որ Եզրաս արքեպիսկոպոս Ներսիսյանը եղել է ԽՍՀՄ ՊԱԿ գործակալ
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
Տեխնիկական խափանում մետրոպոլիտենում․ ուղևորներին իջեցրել են «Գործարանային» կայարանում
Փեզեշքիան. ԱՄՆ ագրեսիան ոչնչացնում է համաշխարհային իրավական համակարգը
Էս լրիվ գողական եք հա՞ գնում․ ԱԺ ում լարված մթնոլորտ է
Հեգսեթ. ԱՄՆ-ն պետք է օգտագործի իր սեփական զինամթերքը, այլ ոչ թե ուղարկի այն Ուկրաինա