«27 րոպե, և ոչինչ չի մնա այդ ուկրաինական բանակից». Ժիրինովսկին սպառնացել է ոչնչացնել Ուկրաինայի ԶՈւ-ն կես ժամում (տեսանյութ)

Ռուսաստանի լիբերալ-դեմոկրատական կուսակցության նախագահ Վլադիմիր Ժիրինովսկին սպառնացել է ոչնչացնել ուկրաինական բանակը 27 րոպեում:

Ինչպես նկատում է «Обозреватель» պարբերականը, այս տարվա սեպտեմբերի սկզբին Ժիրինովսկին հայտարարել էր, որ դրա համար Ռուսաստանին բավական է 5 րոպեն:

«Հիտլերը ստեղծեց «Գալիչինա» դիվիզիան: Որքա՞ն այն պատերազմեց, երբ բախվեց խորհրդային բանակի հետ: 27 րոպե: Վե՛րջ: Իսկ (Ուկրաինայի ՆԳ նախարար) Ավակովն ու մյուս նախարարները (Ուկրաինայի նախագահ Պյոտր) Պորոշենկոյի հարցին, թե երբ կավարտվի պատերազմը, ասում են՝ «Երեք օր»: Ի՞նչ երեք օր: 27 րոպե, և ոչինչ չի մնա այդ ուկրաինական բանակից»,- ասել է Ժիրինովսկին:

Բացի այդ՝ ռուս քաղաքական գործիչը նկատել է, որ ռազմական դրություն սահմանելով՝ Ուկրաինան փաստացի պատերազմով է սպառնում ՌԴ-ին:

«Փաստացի սա ներքին մոբիլիզացիայի սկիզբ է: Երբ ռուս ցարը մոբիլիզացիա հայտարարեց, գերմանացի կայսրն ասաց՝ «Չեղարկե՛ք մոբիլիզացիան»: Չչեղարկեցին, նա պատերազմ հայտարարեց: Ահա և մենք հիմա պետք է պահանջենք չեղարկել մոբիլիզացիան Ուկրաինայում, որովհետև մենք կոչնչացնենք ուկրաինական ԶՈւ-ն», - հայտարարել է նա:

Հիշեցնենք, որ նոյեմբերի 25-ի առավոտյան ՌԴ Անվտանգության դաշնային ծառայությունը հայտնել է Ուկրաինայի ռազմածովային ուժերին պատկանող նավերի կողմից ռուսական ջրային սահմանի խախտման մասին Կերչի նեղուցում: Արդյունքում ռուսական կողմը բեռնանավերով փակել է նեղուցը: Ռուսաստանն Ուկրաինայի ռազմածովային ուժերի գործողությունների պատճառով Սու-25 օդանավերը հերթապահության է ուղարկել Կերչի նեղուցի շրջանում: 

Կիևը Մոսկվային մեղադրել է բացահայտ ագրեսիվ գործողություններ կատարելու համար: Կիևը նաև հայտնել է Ռուսաստանի կողմից իր նավերի ուղղությամբ կրակ բացելու ու նավերը գրավելու մասին:

Միջադեպից մեկ օր անց Ուկրաինայում 30 օրով սահմանվել է ռազմական դրություն:

10 самых привлекательных первых леди мира

Այս թեմայով Ռուս ընդդիմադիր գործիչ Ալեքսեյ Նավալնին բանտում մահացել է Սիրիայում ՌԴ–ի հետ հակասությունը C-400–ների վրա չի ազդի Ռուսաստանը Թուրքիային կոչ է անում խստորեն կատարել Իդլիբի վերաբերյալ Սոչիի համաձայնագիրը․ Լավրով Ռուսաստանի հետ համատեղ հերթապահությունը կսկսվի մոտ ժամանակներս.Թուրքիայի պաշտպանության նախարար ՌԴ ՊՆ-ն ցուցադրել է «Օխոտնիկ» նորագույն անօդաչուի առաջին թռիչքը (տեսանյութ)