Մենք որպես նահատակներ կգնանք դրախտ

Ռուսաստանը կօգտագործի իր միջուկային զենքն այն բանից հետո, եթե հավաստիանա, որ ինչ որ մեկը միջուկային զենքով կհարվածի իր տարածքին։ Այս մասին հայտարարել է Ռուսաստանի նախագահ Վլադիմիր Պուտինը՝ «Վալդայ» ակումբում ունեցած հանդիպման ժամանակ։ «Ագրեսորը պետք է հասկանա, որ հատուցումն անխուսափելի է եւ նա կոչնչացվի։ Մենք ագրեսիայի զոհ կլինենք եւ որպես նահատակներ կգնանք դրախտ։ Իսկ նրանք պարզապես կսատկեն, քանի որ նույնիսկ ապաշխարելու ժամանակ չեն ունենա»,- ասել է նախագահ Պուտինը։ Նա նաեւ հիշեցրել է, որ Ռուսաստանի ռազմական հայեցակարգում չկա նման դրույթ, թե Ռուսաստանը առաջինն է հարվածելու միջուկային զենքով եւ Մոսկվան չի կարող համաշխարհային աղետի նախաձեռնողը լինել, քանի որ միջուկային զենքի կիրառումն ինքնին աղետ է։