2017թ. աշխարհի միլիարդատերերի կարողությունը ռեկորդային աճ է արձանագրել
2017 թվականին աշխարհի միլիարդատերերը միասին ավելի շատ գումար են վաստակել, քան որևէ այլ տարում, գրում է The Guardian-ը՝ մանրամասնելով, որ նրանց կարողությունն ավելացել է 1,4 տրլն դոլարով:
Նման տվյալներ են ներկայացրել շվեյցարական UBS բանկն ու PwC հաշվապահական ընկերությունը: Նրանց համատեղ զեկույցում նշվում է, որ այժմ աշխարհի 2.158 միլիարդատերերի ընդհանուր կարողությունը հասել է ռեկորդային 8,9 տրլն դոլարի:
Մասնագետները նշել են, որ ներկայում այն ժամանակաշրջանն է, երբ աշխարհի ամենամեծահարուստ ընտանիքներում սերնդափոխություն է տեղի ունենում ու ահռելի գումարները փոխանցվում են երիտասարդներին:
«Աշխարհում սկսվել է հարստության փոխանցման խոշոր գործընթաց: Օրինակ՝ 2017թ. միլիարդավոր դոլարների կարողություն ժառանգածների թիվը հասել է 44-ի»,-նշվում է զեկույցում:
Հատկանշական է, որ ամենամեծ թվով միլիարդատերերը, այդ թվում նաև աշխարհի ամենահարուստ մարդը համարվող Ջեֆ Բեզոսը (Amazon-ի հիմնադիրն ունի 146 մլրդ դոլար), ապրում են Միացյալ Նահանգներում: Սակայն միլիարդատերերի քանակը շատ մեծ տեմպերով ավելանում է նաև Չինաստանում: Այստեղ յուրաքանչյուր շաբաթ միջինը երկու նոր միլիարդատեր է «հայտնվում»: Հայտնի է, որ տասներկու տարի առաջ Չինաստանում ընդամենը 16 միլիարդատեր կար, իսկ այժմ նրանց թիվը հասել է 373-ի:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...