Մխիթարյանի գրառումն Արսենալի` 11-րդ անընդմեջ հաղթանակի մասին (լուսանկար)

Հայաստանի ազգային հավաքականի և Լոնդոնի «Արսենալի» կիսապաշտպան Հենրիխ Մխիթարյանը Եվրոպա լիգայի խմբային փուլի 3-րդ տուրի` «Սպորտինգի» հետ անցկացրած խաղից հետո գրառում է կատարել ֆեյսբուքի իր էջում:

 «Զինագործները» հյուրընկալվելիս 1:0 հաշվով առավելության են հասել` տանելով իրենց 11-րդ անընդմեջ հաղթանակը բոլոր մրցաշարերում:

«11 անընդմեջ հաղթանակ: Հիանալի աշխատանք էր, թիմ».- գրել է Մխիթարյանն ու լուսանկար հրապարակել:

 Հիշեցնենք` լոնդոնյան ակումբը վերջին 11 տարում առաջին անգամ է 11 անընդմեջ հաղթանակ տարել բոլոր մրցաշարերում: 2007 թվականի հոկտեմբերին «զինագործները» 12 հաղթանակից բաղկացած շարք են ունեցել: