Համարձակ առաջարկ՝ Հայաստանին. Վաշինգտոնն ասաց, թե ինչ է պետք
«Ժամանակը» գրում է. «ԱՄՆ նախագահի ազգային անվտանգության հարցերի խորհրդական Ջոն Բոլթոնը հոկտեմբերի 25-ին Երևանում հայտարարել է, որ վարչապետի պաշտոնակատար Նիկոլ Փաշինյանի հետ հանդիպմանն առաջարկել է ձեռք բերել ամերիկյան ռազմատեխնիկա, քանի որ այն ավելի լավն է ռուսականից: Բոլթոնը հայտարարել է, որ Հայաստանն այդպիսով դուրս կգա մեկ աղբյուրից կախվածությունից: Ջոն Բոլթոնի հայտարարությունը կարելի է համարել իսկական սենսացիա այն իմաստով, որ Նահանգները առաջին անգամ խոսում է Հայաստանին սպառազինություն մատակարարելու պատրաստակամության մասին: Սակայն սա առաջացնում է հակառակ հարցը՝ իսկ Հայաստանը պատրա՞ստ է գնել ամերիկյան սպառազինություն:
Ընդ որում, պատրաստ է գնել հարցադրումն ունի երկու վեկտոր: Մեկը՝ դեպի տնտեսություն, այսինքն՝ Հայաստանն ունի՞ ավելի լավ, հետևաբար ավելի թանկ տեխնիկա գնելու հնարավորություն, և մյուսը՝ դեպի Ռուսաստան, իսկ Մոսկվան չի՞ խանդի, չի՞ զայրանա: Մյուս կողմից, սակայն, կարելի է նաև հարց տալ թե արդյո՞ք Մոսկվան տեղեկացված չէ, որ Բոլթոնը Երևանում կարող է քննարկել նաև այդպիսի հարց: Չէ՞ որ նա Կովկաս ժամանելուց առաջ եղել է Մոսկվայում, հանդիպել Պուտինի հետ: Այդ իմաստով, մեզ համար Բոլթոնի անակնկալ հայտարարությունն արդյո՞ք անակնկալ է եղել նաև Պուտինի համար:
Մյուս կողմից՝ Բոլթոնը Երևանում խոսել է այն մասին, որ Հայաստանը պետք է դուրս գա պատմական կաղապարներից և լինի ինքնիշխան, աշխարհի համար բաց, ազատ: Ակնառու է, որ ակնարկը ռուսական քաղաքականության ստվերից դուրս գալն է: Բայց ամերիկացի պաշտոնյան թերևս բավականաչափ փորձառու է՝ պատկերացնելու համար, որ օրինակ՝ սպառազինության մասին իր հայտարարությունը Ռուսաստանում կարող է զայրույթ և ըստ այդմ՝ Երևանի հանդեպ ագրեսիա առաջացնել:
Միևնույն ժամանակ, սակայն, Մոսկվայից Կովկաս ժամանած ամերիկացի պաշտոնյան գուցե շատ լավ է պատկերացնում, որ Ռուսաստանը ներկայումս չունի Հայաստանի վրա ռեալ զայրանալու ներուժ: Այսինքն՝ հայտարարություններ, դժգոհություններ կարող են լինել, բայց ռեալ քայլեր Հայաստանի դեմ չեն լինի, որովհետև Ռուսաստանը թերևս առաջին հերթին հենց ինքը կտուժի դրանից»,-գրում է թերթը:
Մանրամասները՝ թերթի այսօրվա համարում:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Մակրոնը և Սթարմերը Ուկրաինայի հարցով հանդիպում են հրավիրել
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
ԵՔՀ 8-րդ գագաթնաժողովի բացման արարողությունը Երևանում. ուղիղ
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...