Հիմա ո՞վ է սպիտակ, իսկ ով՝ սեւ

Վանեցյան․ - «Ինձ դատավորը զանգեց, մի քիչ վախեցած ա, ասեցի մի հատ նայի սաղ գործը, Հրաչ, հա՞, Հրաչ ա անո՞ւնը։ ․․․ Մի խոսքով դատավորը, ով որ պտի կալանքը տա, ասեց մի հատ գործը նայեմ, պարոն Վանեցյան, զանգեմ զեկուցեմ, էս անեմ, էն անեմ, ․․․ ասի նայի, ասի նայի հիմքերը, կզանգես, կնայեմ, բայց կալանքը ուզես, չուզես պտի տաս»։

------------------------------------
Դատավորը զանգում զեկուցում է ԱԱԾ տնօրենին, նա էլ ասում ա «կալանքը ուզես, չուզես պտի տաս»։

Դրանից հետո հրաժարական չի տալիս, ավելին հրապարակային կերպով ասում է, որ նման բան չի եղել։

Հիմա ով սև ա, ով սպիտակ ա, չգիտեմ, բայց հաստատ սև համակարգ է գործում Հայաստանում, ինչպես դրանից առաջ, ու բոլորը ստում են։ Սուտը՝ հանրությանը ապակողմնորոշելը քրեական ծանր հանցանք է։
Մեր պրոբլեմները սկսվում են այն ժամանակ, երբ անօրինականությունները արդարացնում ենք անօրինականության դեմ պայքարով։

Ինչ տարբերություն «սև» Քոչարյանին ով է փոխարինելու, «սև» Վանեցյանը, թե ուրիշ մարդ։ Կարևորն այն է, որ մենք դա արդարացնում ենք։

Վաղն էլ կասեն հակահեղափոխությանը հաղթելու համար պետք է կեղծել ընտրությունները, ու վստահ եմ, որ շատ շատերը կողմ կլինեն ու անգամ կմասնակցեն դրան։ Սա է խնդիրը։

Հեղափոխության հաղթանակը հեղափոխականության սկզբունքների ու արժեքների հաղթանակն է, այլ ոչ թե մի թիմի հաղթանակը մյուս թիմի նկատմամբ։ Փաստորեն նպատակը արդարացնում է միջոցները։ Քոչարյանն էլ էր այդպես մտածում, Տեր-Պետրոսյանն էլ, Սերժ Սարգսյանն էլ, փաստորեն հիմա նույնպես նույնն է կատարվում։

Ստեփան Դանիելյանի ֆեյսբուքյան էջից