Ավելի հարուստ են այն հասարակությունները, որոնք ունեն լավ զարգացած բարեգործական մշակույթ
Նկատել եմ, որ վերջերս բարեգործական մշակույթի դրսևորումների դեմ, որոշակի «վրաերթ» կա ֆեյսբուքում։ Իհարկե դա արվում է վասն պետության «հիմնավորումներով», բայց դրանից վերջին հաշվով տուժում է նաև բարեգործական մշակույթը։ «Թող պետությունը անի, էսքան հարկ ենք տալիս», ասում են բողոքողները։ Ես դեռ չգիտեմ մի պետություն, որը իր բյուջեյով կարողանում է ծածկել ամեն հանրային կարիք։ Նույնիսկ եթե կարողանում է, ապա խելոք պետությունները առիթ են տալիս բարեգործական դրսևորումներին, քանի որ դա նույնպես համարում են հանրային պատասխանատվության դաշտ, և նաև այդ դաշտում է կայանում երկրի քաղաքացին։
Ամերիկայի ռազմական բյուջեն թույլ է տալիս, որ իր զինվորները թե աշխատավարձ ստանան և թե նորմալ սնվեն, բայց ամերիկայում կան բարեգործական ֆոնդեր որոնք գումար են հավաքում զինվորներին սնունդ առաքելու համար։ Սովետը, որի աշխարհահայացքային -գաղափարա-քաղաքական ընկալումները դեռ շատ հարցերում կենսունական են այսօրվա Հայաստանում բարեգործական մշակույթը գրեթե բացակայում էր։ Անշուշտ կամավոր - պարտադիր դրամահավաքներ Սովետում էլ են եղել օրինակ հանուն Կորեայի որբերի կամ «ամեն ինչ ռազմաճակատի համար»։ Շատերը դրանց մասնակցել են նաև ի սրտե ու կամավոր։
Բարգործական մշակույթի առաջին ոչ ֆորմալ, բայց զանգվածային դրսևորումները Հայաստանում ի հայտ եկավ Ղարաբաղյան շարժման հետ։
Ճիշտ է, որ բարեգործությունը չի կարող փոխարինել պետական կառույցների ֆունկցիաներին, բայց և ճիշտ է հակառակը։ Ինչպես պետական կառույցները պետք է զերծ լինեն կոռուպցիոն դրսևորումներից նույնպես և բարեգործությունը։
Բարեգործը բացի պարտադիր հարկից, տալիս է նաև ի սրտի ուզածը, իր սրտի ուզած ուղղությամբ ինչը որպես հարկատու չի կարող անել։
Եվ վերջում բարգործության ոլորտից իմ փորձառության մասով կիսվեմ։ 2010-16 ֆեյսբուքյան ֆորմատով դրամահավաքներ եմ կազմակերպել հիմնականում սահմանամերձ գյուղերում խաղամարզահրապարակներ կառուցելու համար։ Մոտ 25 խաղահրապարակ է կառուցվել։ Որպես դիտարկում կարող եմ ասել, որ արդյունքում դրանք էս կան էն չափով մղել են տեղական պետական կառույցներին էս կամ էն չափով գործ անել։ Իրենց ուրախ են զգացել թե երեխեքը և թե նվիրատուները։
Սովորաբար ավելի հարուստ են այն հասարակությունները որոնք ունեն լավ զարգացած բարեգործական մշակույթ։ Ասում են «Աստված տվողին է տալիս»։
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
ԵԱՏՄ հարցերը օրակարգում են․ Փաշինյանը կմասնակցի միջկառավարական հանձնաժողովի նիստին