Գերմանիայի «Մեծ կոալիցիայի» շուրջ համաձայնության վերջնաժամկետ է սահմանվել փետրվարի 4-ը

Գերմանիայի հիմնական կուսակցությունների ղեկավարները հայտարարում են, որ լավատեսորեն են տրամադրված «Մեծ կոալիցիա» ձևավորելու հարցում։

Կանցլեր Անգելա Մերկելի պահպանողական Քրիստոնեա-դեմոկրատական միությունը, Քրիստոնեա-սոցիալական միությունը և ձախակողմյան Սոցիալ-դեմոկրատական կուսակցությունը այսօր նախատեսում են առանձին հանդիպումներ՝ պատրաստվելու բանակցությունների վերջնական փուլին:

Կողմերը համաձայնության հասնելու համար վերջնաժամկետ են սահմանել մինչև փետրվարի 4-ը ներառյալ: Նախատեսվում է, որ կոալիցիայում Մերկելը շարունակելու է պաշտոնավարել որպես կանցլեր:

Իշխող կուսակցության դիրքերը 2017 թվականի սեպտեմբերին անցկացված ընտրությունների արդյունքում թուլացան՝ առավելապես մեկ միլիոնից ավելի փախստականների առջև երկրի դռները բացելու քաղաքականության պատճառով:

Այս թեմայով Գերմանական բանակը պետք է դառնա ամենաուժեղը Եվրոպայում. Մերց Նյուրնբերգում անհայտ անձը հարձակվել է երեք կանանց վրա. ոստիկանությունը պարզում է դրդապատճառները Քրիստոնեա-դեմոկրատական միության ղեկավարի պաշտոնում Մերկելին կփոխարինի Կրամպ-Կարենբաուերը: Թեհրանում Գերմանիայի դեսպանը հրավիրվել է Իրանի ԱԳՆ Նացիստական ողջույնները Գերմանիայի փողոցներում խայտառակություն են երկրի համար․Հայկո Մաս