5 կամ 10 դրամով մի տրորեք ձեր եւ ձեր կնոջ պատիվը

Սիրելիներ, չնեղանաք, բայց ամենամեծ անբարոյականությունը ոչ թե ընտրակաշառք առաջարկելն է, այլ վերցնելը: Դա մարդու արժանապատվությունը նվաստացնող ամենածանր արարքն է: Մի իջեք այդքան, մի վերցրեք այդ գումարը, որը հինգ տարվա կտրվածքով լավագույն դեպքում հասնում է 5-10 դրամի: 5-10 դրամով մի տրորեք ձեր, ձեր կնոջ, երեխաների արժանապատվությունը: Դուք մարդ եք, դուք հայ եք,դուք իրավունք չունեք այդքան իջնել:

Հ.Գ. Հատուկ նրանց համար, ովքեր ասում են, թե սա է մնալու: Եթե ձեզ տալիս են 5 կամ 10 հազար դրամ եւ նույնիսկ 20, ապա այն ձեր ձեռքից խլելու են մեկ-երկու ամսվա ընթացքում ալյուրի, շաքարավազի գների աճի, գազի որակի վատացման եւ զանազան այլ միջոցներով: Տալիս են 10 հազար, վերցնում 15 կամ 20 հազար: Սա էլ ձեր օգուտը:

Կառլեն Վարդանյանի ֆեյսբուքյան էջից