Պենտագոնն Իրանի վրա հարձակման նոր թիրախների ցանկ ունի․ CNN
Պենտագոնը պատրաստել է ռազմական հարվածների շարք, եթե նախագահ Դոնալդ Թրամփը վերջնականապես որոշի վերսկսել հարձակումներն Իրանի վրա, հաղորդել է CNN-ը՝ հղում անելով իր աղբյուրներին: Թիրախների թվում են Իրանի էներգետիկ օբյեկտները և այլ ենթակառուցվածքներ:
Աղբյուրներից մեկի փոխանցմամբ՝ Թրամփը Վիրջինիայի իր գոլֆի ակումբում հանդիպել է ազգային անվտանգության թիմի ավագ անդամների հետ՝ Իրանի հետ պատերազմի հաջորդ քայլերը քննարկելու համար։ Այս մասին հայտնել է նաև Axios-ը։
Հանդիպումը տեղի է ունեցել Սպիտակ տան կողմից Իրանի համար «Ժամանակը գնում է» հայտարարությունից մեկ օր առաջ և Չինաստանից Թրամփի՝ Վաշինգտոն վերադառնալուց ընդամենը մի քանի ժամ անց։ Այդ հանդիպմանը մասնակցել են փոխնախագահ Ջեյ Դի Վենսը, պետքարտուղար Մարկո Ռուբիոն, Ջոն Ռետկլիֆը և հատուկ դեսպանորդ Սթիվ Ուիթքոֆը։
CNN-ը նշում է, որ Թրամփը գնալով ավելի է հիասթափվում Թեհրանի կողմից բանակցությունների ընթացքից և շարունակում է դժգոհ մնալ Հորմուզի նեղուցի փակումից և նավթի համաշխարհային գների վրա դրա ազդեցությունից։
Պեկին կատարած այցի ընթացքում նախագահը և նրա թիմը հետաձգել էին Թեհրանի վերաբերյալ հետագա որոշում կայացնելը: Ամերիկացի պաշտոնյաների խոսքով՝ նրանք ցանկանում էին տեսնել, թե ինչպես են ընթանալու Թրամփի և Չինաստանի առաջնորդ Սի Ծինփինի միջև բանակցությունները, նախքան քայլերը որոշելը:
ԱՄՆ առաջնորդը, ինչպես սպասվում է, այս շաբաթվա սկզբին կրկին կհանդիպի իր ազգային անվտանգության թիմի հետ։
Ըստ CNN-ի՝ վերջին օրերին Թրամփը լրջորեն մտածել է Իրանի հետ պատերազմը վերսկսելու մասին՝ ստիպելու համար փոխզիջումների գնալ հակամարտությունը դադարեցնելու համար` չնայած նախընտրում է դիվանագիտական կարգավորումը: Նախագահը «կորցնում է համբերությունը» Հորմուզի նեղուցի փակման և Իրանի ղեկավարության ներսում առաջացած պառակտման հետ կապված, որը, նրա կարծիքով, խոչընդոտում է միջուկային բանակցություններում զիջումների գնալուն:
Axios-ի տվյալներով՝ Թրամփը մայիսի 19-ին կհավաքի ԱՄՆ ազգային անվտանգության թիմը՝ տարբերակները քննարկելու համար։ Նա հրատարակությանը ասել է, որ Իրանից նոր առաջարկ է սպասում, որը պետք է ավելի լավը լինի, քան նախորդը։ Նախագահը սպառնացել է, որ Վաշինգտոնը կհարվածի «շատ ավելի ուժեղ, քան նախկինում», եթե Թեհրանը չառաջարկի ավելի բարենպաստ պայմաններ։
Գիտնականները քաղցկեղի վերադարձից ամիսներ առաջ այն հայտնաբերելու միջոց են գտել
«Զինապահ» հիմնադրամը 2025 թվականի ավարտի դրությամբ հատուցումներ է տրամադրել 5 հազար 510 շահառուի
Ռուբեն Վարդանյանի կինը մտադիր է կազմակերպել կանանց միջազգային մարդասիրական պատվիրակության այց Բաքու
Արդեն մոտ 2 ժամ է՝ փրկարարները, ոստիկաններն ու քաղաքացիների Փամբակ գետում որոնում են մոտ 15-ամյա աղջ...
Կապանում դեղնավուն անձրևաջրերի հոսքի դեպքով վարույթ է հարուցվել․ ԲԸՏՄ
Գերմանիայի աշխատաշուկան՝ կադրերի դեֆիցիտի առաջ
Երկաթի դարի առեղծվածային ընտանեկան ծեսը. մահացածի ուղեղը հեռացրել են, իսկ ոսկորները վերածել գործիքնե...
Ա․ Մերանգուլյանի անվան ժողովրդական գործիքների վաստակավոր անսամբլի մարզային համերգները
Սուրեն Պապիկյանը Փարիզում մասնակցել է «Eurosatory 2026» միջազգային ցուցահանդեսի բացման պաշտոնական ար...
Հակակոռուպցիոն կոմիտեի նախագահը միջնորդություն է ներկայացրել նախարարություն