Պատերազմը ձեռնտու չէ ոչ մեկին. Փեզեշքիան

Իրանի նախագահ Մասուդ Փեզեշքիանը, ելույթ ունենալով Արդարադատության նախարարությունում կայացած խորհրդակցության ժամանակ, հայտարարել է տարածաշրջանային և միջազգային զարգացումներում ողջամիտ մոտեցում ցուցաբերելու կարևորության մասին։ 

Նախագահն ընդգծել է, որ պատերազմը ձեռնտու չէ որևէ կողմի, և Թեհրանը պետք է օգտագործի դիվանագիտական ու բանական բոլոր ուղիները լարվածությունը նվազեցնելու համար։ Այնուամենայնիվ, նա շեշտել է, որ սպառնալիքներին դիմակայելուն զուգահեռ՝ «թշնամու հանդեպ անվստահությունն ու զգոնությունը» մնում են անհերքելի անհրաժեշտություն։