Հինգ կամ ավելի դեղամիջոցների միաժամանակյա ընդունումը մեծացնում է լնդերի հիվանդության առաջացման վտանգը
Հետազոտողների տվյալներով՝ 65 տարեկանից բարձր մարդկանց ավելի քան 30-40%-ը պարբերաբար ընդունում է մի քանի դեղամիջոց, իսկ խրոնիկական հիվանդություններ ունեցողների համար այդ ցուցանիշն ավելի բարձր է: Սակայն մի քանի դեղորայքային թերապիան կարող է բացասաբար անդրադառնալ ատամների առողջության վրա:
Գիտնականները նշում են, որ շատ տարածված դեղամիջոցներ, դրանց թվում՝ հակադեպրեսանտները, հակահիպերտոնիկ դեղամիջոցները և հակախոլիներգիկ ներգործությամբ դեղամիջոցները, նվազեցնում են թքի արտադրությունը: Դա հանգեցնում է քսերոստոմիայի (բերանի չորություն), որը մեծացնում է կարիեսի, կանդիդոզի (սնկային վարակ), լորձաթաղանթի բորբոքային վնասվածքների և լնդերի հիվանդության առաջացման վտանգը:
Բացի դրանից, որոշ դեղամիջոցներ կարող են հարուցել լնդերի հյուսվածքի աճ, խոցերի առաջացում, համի զգացողության փոփոխություններ և պրոթեզներ կրելու դժվարություն:
Իրավիճակն ավելի է բարդանում այն փաստով, որ բուժառուները հաճախ չորությունն ու անհարմարությունն ընկալում են որպես ծերացման բնական դրսևորում և ախտանիշների մասին իրենց ատամնաբույժին չեն հայտնում: Ընդ որում, ատամնաբույժները միշտ չէ, որ լիովին տեղեկացված են նշանակված բուժման մասին, և բժշկական և ատամնաբուժական մասնագետների միջև հաղորդակցությունը մնում է սահմանափակ։
Հեղինակներն ընդգծում են միջառարկայական մոտեցման անհրաժեշտությունը՝ պարբերաբար վերանայելով դեղամիջոցները բուժող բժշկի և դեղագործի հետ, հնարավորինս նվազեցնելով դեղորայքային ծանրաբեռնվածությունը, ինչպես նաև ուժեղացնելով կանխարգելիչ միջոցառումները։
Խոսքը բարձր ֆտոր պարունակող ատամի մածուկների, բերանի խոռոչի խոնավեցնող միջոցների և անհատականացված հիգիենայի առաջարկությունների օգտագործման մասին է: Հետազոտողները կարծում են, որ նման միջոցառումները կարող են օգնել պահպանելու տարեց բուժառուների բերանի խոռոչի առողջությունը և բարելավելու նրանց կյանքի որակը:
Հայկական ֆուտբոլում հասունանում է իրավական նոր սկանդալ
Ռուսաստանը օգոստոսի 20-ի գիշերը բալիստիկ հրթիռներով հարվածել է Կիևին
Իրանը քննարկում է Եվրոպայում ամերիկյան օբյեկտների հարվածներ հասցնելու հնարավորությունը. FT
Սերգեյ Բագրատյանին երեք օրով չվճարվող արձակուրդ է տրամադրվել
Հրապարակվել է Կառավարության ծրագիրը՝ հիմնված «Իրական Հայաստանի» գաղափարախոսության վրա
Դեպի ԵՄ երկրներ արտահանման ծավալն աճել է
ՀՀ ԱԳ նախարարն ընդունել է ԱՄՆ Ներկայացուցիչների պալատի անդամ Աբրահամ Համադեին
Վրաստանի ՆԳՆ-ը կոչ է արել քաղաքացիներին և լրատվամիջոցներին «զերծ մնալ չստուգված տեղեկատվության տարած...
Թուփաք Շաքուրի սպանությունից 30 տարի անց սկսվել է այդ գործով դատավարությունը
Գյումրի-Կարս երկաթուղու վերագործարկման հայկական հատվածի նախագծման համար միջազգային մրցույթ է հայտարա...