Ուկրաինայի անվտանգությունը պետք է ապահովվի որպես մեր Միության պաշտպանության առաջին գիծ. Եվրահանձնաժողովի նախագահ

Եվրահանձնաժողովի նախագահ Ուրսուլա ֆոն դեր Լեյենը հայտարարել է, որ Ուկրաինայի անվտանգությունը պետք է ապահովվի, քանի որ այն երկարաժամկետ հեռանկարում Եվրամիության պաշտպանության առաջին գիծն է։ «Քանի դեռ խաղաղության բանակցությունները շարունակվում են, Եվրամիությունը շարունակում է անսասան մնալ Ուկրաինային աջակցելու հարցում։ Մեր ֆինանսական առաջարկներն արդեն սեղանին են։ Նպատակը ուժեղ Ուկրաինան է՝ մարտադաշտում և բանակցությունների սեղանի շուրջ», - գրել է ֆոն դեր Լեյենը X սոցիալական ցանցում։

Նա ասել է, որ ՆԱՏՕ-ի գլխավոր քարտուղար Մարկ Ռուտտեի և Եվրոպական խորհրդի նախագահ Անտոնիո Կոշտայի հետ միասին նախագահ Վլադիմիր Զելենսկիին վերահաստատել է, որ ԵՄ-ն մնում է իր դիրքորոշման մեջ անսասան և հավատարիմ իր սկզբունքներին։

«Ուկրաինայի ինքնիշխանությունը պետք է երաշխավորվի և հարգվի։ Ուկրաինայի անվտանգությունը պետք է ապահովվի՝ երկարաժամկետ հեռանկարում՝ որպես մեր Միության պաշտպանության առաջին գիծ»։ «Այս առաջնահերթությունները ՆԱՏՕ-ի գլխավոր քարտուղար Մարկո Ռուտտեի հետ մեր քննարկումների կենտրոնում էին», - հավելել է ԵՀ նախագահը։

Նա վերջնականապես եզրակացրեց, որ Եվրոպան կշարունակի նպաստել Ուկրաինայում արդար և երկարատև խաղաղության հասնելուն ուղղված ջանքերին։

ՆԱՏՕ-ի գլխավոր քարտուղար Մարկ Ռյուտեն, իր հերթին, նշել է, որ «լավ քննարկումներ» է ունեցել Զելենսկու և ԵՄ առաջնորդների հետ՝ «Ուկրաինայում արդար և երկարատև խաղաղության հասնելու հետագա առաջընթացի աջակցությամբ»։

Հիշեցնենք, որ Զելենսկին Բրյուսելում հանդիպել է եվրոպացի առաջնորդների հետ՝ քննարկելու անվտանգության երաշխիքները, Ուկրաինայի պաշտպանության ամրապնդումը և խաղաղություն հաստատելու քայլերը։ Նախագահը նաև իր գործընկերներին տեղեկացրել է ամերիկյան կողմի հետ բանակցությունների ընթացքի, մասնավորապես՝ խաղաղության ծրագրի վերաբերյալ։

Ուկրաինայի անվտանգությունը պետք է ապահովվի որպես մեր Միության պաշտպանության առաջին գիծ. Եվրահանձնաժողովի նախագահ

Վերջին 7 օրվաԹոփ լուրեր Թոփ 10ամենաընթերցվածէջերը

Վերջին 7 օրվա
Թոփ լուրեր Թոփ 10
ամենաընթերցված
էջերը