Հայաստանը 2023-2024-ին Ֆրանսիայի հետ կնքել է 274.5 մլն եվրոյի սպառազինության պայմանագրեր

2023-2024 թվականներին Հայաստանը Ֆրանսիայի հետ ստորագրել է ավելի քան 274 միլիոն եվրոյի սպառազինության պայմանագրեր։ Ազատության փոխանցմամբ՝ այդ մասին նշված է Ֆրանսիայի պաշտպանության նախարարության՝ երկրի խորհրդարանին ներկայացրած զեկույցում։

Ֆրանսիայի ՊՆ-ն այդ փաստաթղթում նշում է՝ պաշտպանության ոլորտում համագործակցության բազմազանեցման շրջանակում Հայաստանը որոշել է դիմել Ֆրանսիայի աջակցությանը՝ կարողությունների մեծացման ու ժողովրդի անվտանգության ապահովման նպատակով։