ՆԳ նախարարը՝ Փարաքարում տեղի ունեցած սպանությունների մասին

ՆԳ նախարար Արփինե Սարգսյանը մանրամասներ է հայտնել Փարաքար համայնքում տեղի ունեցած սպանություններից։ «Ես առաջին պահից եղել եմ Փարաքար համայնքում, Վաղարշապատի ոստիկանության բաժնում, որ պրոցեսը կազմակերպվի այնպես, որ շատ արագ ունենանք դեպքի ամբողջական բացահայտում»,- հայտարարել է Սարգսյանը։

Նախարարը մանրամասնել է, որ փետրվարյան իրադարձություններից հետո կայուն պահակակետեր են սահմանվել այն անձանց տների հատվածում, որոնք ոստիկանների կողմից ռիսկային են գնահատվել. «Մի քանի ամիս շարունակ ոստիկանական կայուն հենակետեր են կազմակերպվել տեղում։ Բայց կհամաձայնվեք, որ չենք կարող յուրաքանչյուր տան մոտ կանգնեցնել ոստիկան և տարիներ շարունակ ոստիկանին պահպանել այնտեղ։ Բնականաբար, կա օպերատիվ աշխատանք, եղել են այլ պրոցեսներ, բայց ազդակ, որ նման բան է կազմակերպվել, թե տեղի համայնքային, տեղ քրեական բաժնում չեն ստացվել»։