Հայաստանը ռազմական կցորդ կունենա Կիպրոսում
Հայաստանը ռազմական կցորդ կունենա Կիպրոսում։ Կիպրոսում ռազմական կցորդի հաստիքը համատեղվելու է Հունաստանում ՀՀ ռազմական կցորդի կողմից (խմբ. Հունաստանում ՀՀ ռազմական կցորդը փոխգնդապետ Արմեն Միրզաբեկյանն է): Համապատասխան որոշումն ընդունվել է ՀՀ կառավարության հոկտեմբերի 30-ի նիստում։ Որոշման նախագիծը մշակել է ՀՀ պաշտպանության նախարարությունը։
Որոշման հիմնավորման մեջ նշվում է, որ Հայաստանի և Կիպրոսի միջև բարեկամական հարաբերությունները և փոխվստահությունը հիմնված են ընդհանուր արժեքների ու մոտեցումների վրա և ունեն զարգացման լուրջ հեռանկարներ:
«Երկու պաշտպանական գերատեսչություններն առավել սերտ համագործակցում են ինչպես ժողովրդավարական արժեքների, մարդու իրավունքների, կառավարման և օրենքի գերակայության ոլորտներում, այնպես էլ փոխգործակցությունն ընդգրկում է հրահանգիչների պատրաստության, խաղաղապահության, կին զինծառայողների իրավունքների պաշտպանության, զինված ուժերում քաղաքացիական վերահսկողության ոլորտները: Համեմատաբար նոր ուղղություններ են ներքին աուդիտի և հակակոռուպցիոն մեխանիզմների ներդրման ոլորտներում փորձի փոխանակումը, պարբերաբար անցկացվող պաշտպանական ռազմավարական և ռազմաքաղաքական խորհրդակցությունները»,- ասված է հիմնավորման մեջ:
Կիպրական կողմի հետ համագործակցությունն ընդգրկում է նաև անվտանգության և պաշտպանության բնագավառում պարբերաբար անցկացվող երկկողմ ռազմաքաղաքական խորհրդակցությունները, ինչպես նաև գործող ծրագրերի շրջանակներում ռազմական համագործակցության զարգացման և փոխադարձ հետաքրքրություն ներկայացնող ոլորտներում փոխգործակցության նոր ուղղությունները, մասնավորապես՝ ռազմական կրթության, արհեստավարժ սերժանտական կազմի պատրաստության, անձնակազմի մարտական պատրաստության, ռազմական բժշկության, տարբեր մասնագիտական ուղղություններով փորձի փոխանակման ոլորտները, ինչպես նաև միջազգային խաղաղապահ առաքելություններին համատեղ մասնակցության հնարավորությունը և այլ ծրագրեր:
«Հայաստանի և Կիպրոսի միջև առկա բարեկամական և փոխըմբռնման հարաբերություններ և երկու երկրների միջև համագործակցությունը իրականացվում է հիմնականում Հայաստան-Կիպրոս և Հայաստան-Հունաստան-Կիպրոս երկկողմ և բազմակողմ համագործակցության ձևաչափով: Այդուհանդերձ, երկու երկրները պաշտպանության ոլորտում, ինչպես նաև ռազմատեխնիկական բնագավառում հարաբերությունների հետագա զարգացման զգալի ներուժ և հեռանկարներ ունեն: Ուստի, երկու երկրների միջև ձևավորված բարեկամական և հարգալից հարաբերությունները ամուր հենք են հանդիսանում հայ-կիպրական համագործակցության ընդլայնման համար ինչպես երկկողմ, այնպես էլ բազմակողմ հարթակներում, և ռազմական ոլորտում առկա համագործակցության մեծ ներուժը և կիպրական կողմի՝ փոխգործակցությունը խորացնելու ուղղությամբ վերջին ժամանակաշրջանում ցուցաբերած մեծ հետաքրքրությամբ է պայմանավորված Կիպրոսի Հանրապետությունում ունենալ Հայաստանի Հանրապետության ռազմական կցորդ։ Ռազմական կցորդի առկայությունը Կիպրոսում կնպաստի երկու երկրների միջև պաշտպանության ոլորտում փոխգործակցության հետագա զարգացման, նոր թափ կհաղորդի երկու երկրների միջև պաշտպանական ոլորտում համատեղ միջոցառումների իրականացմանը: Ռազմական կցորդի առկայությունը կապահովի պաշտպանության ոլորտում հարաբերությունների բարձրացմանը գործընկերության ավելի բարձր մակարդակի»,- նշվում է հիմնավորման մեջ:
Նշվում է նաև, որ Կիպրոսում ռազմական կցորդի հաստիքը համատեղվելու է Հունաստանի Հանրապետությունում ՀՀ ռազմական կցորդի կողմից:
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
Լրատվամիջոցների ու լրագրողների իրավունքների խախտումների թիվը նվազել է
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Առողջապահության նախարարն այցելել է Շիրակի մարզի՝ վերանորոգված և բուժսարքավորումներով հագեցած պոլիկլի...
Միջադեպը բացարձակապես կապ չունի հանրային տրանսպորտի վարորդի կամ վճարման համակարգի հետ