Կադրային «չիստկա» Ախուրյանում՝ ՀՈԱԿ-ների զանգվածային լուծարման միջոցով. Մհեր Մելքոնյան
Յուրայիններին՝ ամեն ինչ, ընդդիմադիրներին՝ ոչինչ…
Օրերս Շիրակի մարզը ներկայացնող ՔՊ-ական պատգամավոր Կարեն Սարուխանյանը ֆեյսբուքյան իր էջում գրառում է կատարել՝ հայտարարելով. «Ընդամենը 2 ամիս է անցել Շիրակի մարզի Ախուրյան համայնքի իշխանափոխությունից (իրականում իշխող խունտան լպիրշ և հակաօրինական ճանապարհով զավթեց իշխանությունն Ախուրյանում), բայց աշխատանքներն արդեն տեսանելի են»։
Նախկին մարզպետի համար տեսանելի աշխատանքների շարքից է Ախուրյան համայնքի երեք ՀՈԱԿ-ների լուծարումը։
Ախուրյան համայնքի ֆեյսբուքյան պաշտոնական էջից տեղեկանում ենք, որ «2023 թվականի օգոստոսի 29-ին Հայաստանի Հանրապետության Շիրակի մարզի Ախուրյան համայնքի ավագանու որոշմամբ Շիրակի մարզի Ախուրյան համայնքի «Ախուրյանի համալիր մարզադպրոց», «Ախուրյանի համայնքային գրադարան», «Ախուրյանի ֆերմատա արվեստի դպրոց» ՀՈԱԿ-ները լուծարվելու են, որոնց հիմքի վրա ստեղծվելու է Հայաստանի Հանրապետության Շիրակի մարզի Ախուրյան համայնքի «Ախուրյանի մարզամշակութային կենտրոն» ՀՈԱԿ-ը»:
Ախուրյան համայնքում իշխանազավթումից հետո ապաշնորհ իշխանության ներկայացուցիչները յուրատեսակ ջանասիրությամբ զբաղված են կադրային «չիստկայով»։ Համայնքապետարանում հետզհետե փորձում են ազատվել անցանկալի, ընդդիմադիր անձանցից, անկախ նրանից, թե որքան հմուտ և բանիմաց են նրանք: Կարևորը՝ հնարավոր լինի տեղավորել բացարձակ յուրային կադրերի: Գումարներ տնտեսելու, բարեփոխումներ իրականացնելու կեղծ պատրվակով լուծարելով ՀՈԱԿ-ները, որոնք ունեն թվով 68 աշխատակիցներ, ՔՊ-ականները մեկ նպատակ են հետապնդում՝ աշխատանքի տեղավորել համայնքում իշխանությունը զավթելու մեջ ծառայություն մատուցած անձանց։ Առանց հանրային լսումներ կազմակերպելու, աշխատակիցների կարծիքը հաշվի առնելու՝ իշխանական խունտան իր ցինիկ գործելաոճին հավատարիմ նպատակադրվել է իրեն հարմար ձևով լուծել խնդիրը։
Ախուրյան համայնքի ՔՊ-ական չինովնիկների մոտ ՀՀՇ-ական լավագույն ավանդույթները շարունակվում են. «Պոլի փետ լինի, միայն թե ՀՀՇ-ական լինի»։
Հ.Գ. Ուշադրության կենտրոնում եմ պահելու տվյալ հարցը և հետևելու եմ հետագա զարգացումներին։
Մհեր Մելքոնյան
ՀՅԴ Շիրակի Մարզային կոմիտեի ներկայացուցիչ
Այսօրվանից սկսած սպառման համակարգը բաշխման ցանցին միացման նոր դիմում ներկայացնելիս կգործեն արդեն նվա...
Թրամփի հետ ընթրիքին հնարավոր է եղել մասնակցել առանց ստուգումներ անցնելու WSJ
Հունիսի 7-ը Մեր 2-րդ Անկախության Հանրաքվեն Է
Լրատվամիջոցների ու լրագրողների իրավունքների խախտումների թիվը նվազել է
Կենսաչափական անձնագրերը քաղաքացիներին հասանելի կլինեն 2026 թվականի աշնանը
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Մեր նպատակն է, որ ՀՀ սահմանի բոլոր հատվածները լինեն սահմանապահ զորքերի պատասխանատվության ներքո
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...
Աջափնյակում ընթանում են նոր՝ «Արև Արենա» կենտրոնի բացօթյա համերգասրահի ստեղծման աշխատանքները
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար