ԵՐԲ Պուտինին կալանավորեն, դուք պատրաստ կլինե՞ք ստանձնել նրա պաշտպանությունը

Էսօր մի անծանոթ էր մոտեցել փողոցում՝ ինչ-որ իրավաբանական հարցով։ Բախտս բերեց՝ հարցը բարդ չէր ու պատասխանն էլ գիտեի։ Երբ «հաջողություն» էի ասում, այդ մարդը խնդրեց մի «պալիծիչեսկի» հարց էլ տալ, ու շատ լուրջ դեմքով հարցրեց՝ «ԵՐԲ (շեշտում եմ այս բառը) Պուտինին կալանավորեն, դուք պատրաստ կլինե՞ք ստանձնել նրա պաշտպանությունը»։

Մի կերպ զսպեցի ջղայնությունս ու հնարավոր ամենագործնական տեսքն ընդունելով՝ հեռախոսիս մեջ բացեցի օրացույցս ու ասեցի՝ «Չէ, ցավոք՝ էդ օրը շատ զբաղված եմ - նախապես նշանակած նիստ ունեմ»։

Ասածս ինչ է։ Տարբեր նիկոլական լրատվամիջոցներով էնքան են էս հարցը տիրաժավորել, որ միջին-վիճակագրական հայի մոտ համոզմունք են առաջացրել, որ «էս հարցը վաղուց որոշված ա» (նենց՝ ոնց որ «Ղարաբաղն էին շուտվանից ծախել») - ինչ-որ շատ կոնկրետ օր պարեկները Պուտինին ձերբակալելու են ու տանելու նիկոլի ստեղծած հակակոռուպցիոն դատարան։ Ընդ որում, ես կասկած անգամ չունեմ, որ էս վտանգավոր օրակարգը խթանում է անձամբ գերագույն սրիկան։