Նեթանյահուն խորհրդարանում կոալիցիայի ղեկավարին հայտնել է, որ մտադիր է դադարեցնել դատական բարեփոխումները
Իսրայելի վարչապետ Բենիամին Նեթանյահուն երկուշաբթի օրը հայտարարել է գործող կառավարական խորհրդարանական կոալիցիայի ղեկավարին, որ մտադիր է հայտարարել դատական բարեփոխումների առաջխաղացման դադարեցման մասին: Այս մասին հայտնում է իսրայելական kan պետական ռադիոն՝ նշելով, որ վարչապետն այդ հայտարարությունն արել է նախարարների կաբինետում ընդգրկված կուսակցությունների խորհրդարանական խմբակցությունների ղեկավարների հետ խորհրդակցությունից հետո:
Ավելի վաղ, ռադիոկայանի տվյալներով, ֆինանսների նախարար եւ կառավարական կոալիցիայի մաս կազմող «Կրոնական սիոնիզմ» կուսակցության առաջնորդ Բեթսալել Սմոտրիչը տեղեկացրել էր, որ չի շարունակի առարկել դատական բարեփոխումների իրականացման ժամանակավոր կասեցման դեմ: Միեւնույն ժամանակ, Ազգային անվտանգության նախարար եւ «Հրեական ուժ» կուսակցության առաջնորդ Իտամար Բեն-Գվիրը երկուշաբթի սպառնացել է փլուզել կոալիցիան, եթե դադար տրվի դատական համակարգի բարեփոխման հարցում:
Քնեսեթի (խորհրդարանի) օրենսդրության հանձնաժողովը երկուշաբթի երկրորդ եւ երրորդ ընթերցմամբ հաստատել է դատավորների նշանակման հանձնաժողովի կազմի փոփոխության մասին օրինագիծը, որն առանցքային է իրավական բարեփոխման համար: Ավելի վաղ վարչապետի «Լիկուդ» կուսակցությունում Kan-ի աղբյուրը նշել է, որ դատական բարեփոխումների կասեցման մասին հայտարարությունը կարող է հաջորդել միայն այդ փուլն անցնելուց հետո:
Իսրայելի նախագահ Իցհակ Հերցոգը կառավարությանը կոչ է արել անհապաղ դադարեցնել դատական համակարգի բարեփոխումը եւ երկրում ծայրահեղ լարված հասարակական-քաղաքական իրավիճակ է արձանագրել բարեփոխումների դեմ բողոքի ցույցերի եւ ցուցարարների ու ոստիկանության միջեւ բախումների ֆոնին։
Առանց ռուսական նավթի, երբ մոտ է վառելիքի գլոբալ դեֆիցիտը
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Փոխվարչապետ Մհեր Գրիգորյանի և ԵՄ ընդլայնման հարցերի հանձնակատար Մարթա Կոսի հայտարարությունները
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
ԱԱԾ տնօրենը հայտարարել է, որ Եզրաս արքեպիսկոպոս Ներսիսյանը եղել է ԽՍՀՄ ՊԱԿ գործակալ
ՄԻՊ-ն ընդունել է Մարդու իրավունքների եզդիական կենտրոնի ղեկավարին
ՄԱԿ-ը կոչ է անում ստեղծել անվտանգ նավագնացության միջանցք՝ Պարսից ծոցից նավերը դուրս բերելու համար
Իրանում 19-ամյա ըմբշամարտիկի մահապատիժը նոր մտահոգությունների ալիք է բարձրացրել
Էնցո Ֆերնանդեսը ցանկանում է հեռանալ Չելսիից