Իրաքի կառավարությունը խոստացել է 5 միլիոն ծառ տնկել՝ փոշու փոթորիկների դեմ պայքարի համար
Իրաքը նախատեսում է հինգ միլիոն արմավենիներ եւ այլ ծառեր տնկել՝ գլոբալ տաքացման հետեւանքների դեմ պայքարելու համար: Այս մասին հայտարարել է վարչապետ Մուհամմեդ Շիա ալ-Սուդանին, հայտնում է RFI-ն։
Իրաքը տառապում է ամառվա ծայրահեղ շոգից, հաճախակի երաշտներից, անապատացումից եւ փոշու կանոնավոր փոթորիկներից: Հատկապես շատ խնդիրներ են առաջացնում, այսպես կոչված, հաբուբները՝ հզոր փոթորիկները, որոնք կարող են ստվերել երկինքը ավազի եւ փոշու զանգվածներով: Ավելի քան յոթ միլիոն իրաքցիներ արդեն տուժել են կլիմայական փոփոխություններից, իսկ հարյուր հազարավոր մարդիկ տեղահանվել են երաշտի պատճառով, ասել է վարչապետը: Անցյալ գարնանը մոտ մեկ տասնյակ խոշոր ավազի կամ փոշու փոթորիկներ են հարվածել Իրաքին: Դրանք ծածկել են Բաղդադը եւ այլ շրջաններ՝ հազարավոր մարդկանց շնչառության դժվարություններ առաջացնելով եւ ստիպելով փակել օդանավակայաններն ու դպրոցները։
Այս կապակցությամբ կառավարությունը հայտարարել է «անտառահատումների դեմ պայքարի զանգվածային նախաձեռնության մասին, որը ներառում է հինգ միլիոն ծառերի եւ արմավենիների տնկում Իրաքի բոլոր մուխաֆազներում [շրջաններում]»։ Արդյունքում, ի թիվս այլ բաների, քաղաքների շուրջը կհայտնվեն կանաչ գոտիներ, որոնք կպաշտպանեն քամու եւ փոշու հոսքերից։
Բացի այդ, վարչապետը դժգոհել է Թուրքիայի գործողություններից, որը պատնեշներ է կառուցել Տիգրիսի եւ Եփրատի վերին հոսանքներում։ Դրա պատճառով Իրաքի տարածքում այս գետերի ջրի մակարդակը նվազել է, ինչը տարածաշրջանի անապատացման գործոններից մեկն է։ «Հոսանքն ի վեր տեղակայված երկրներում միակողմանի վերահսկողությունը ջրային ռեսուրսների նկատմամբ մեծացնում է այն երկրների խոցելիությունը, որոնք բախվում են կլիմայի փոփոխության հետեւանքներին»,- եզրափակել է քաղաքական գործիչը:
Առանց ռուսական նավթի, երբ մոտ է վառելիքի գլոբալ դեֆիցիտը
Փոխվարչապետ Մհեր Գրիգորյանի և ԵՄ ընդլայնման հարցերի հանձնակատար Մարթա Կոսի հայտարարությունները
ՄԻՊ-ն ընդունել է Մարդու իրավունքների եզդիական կենտրոնի ղեկավարին
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
ՄԱԿ-ը կոչ է անում ստեղծել անվտանգ նավագնացության միջանցք՝ Պարսից ծոցից նավերը դուրս բերելու համար
Իրանում 19-ամյա ըմբշամարտիկի մահապատիժը նոր մտահոգությունների ալիք է բարձրացրել
ԱԱԾ տնօրենը հայտարարել է, որ Եզրաս արքեպիսկոպոս Ներսիսյանը եղել է ԽՍՀՄ ՊԱԿ գործակալ
Լիվերպուլը պատասխան խաղում ջախջախեց Գալաթասարային և դուրս եկավ քառորդ եզրափակիչ
Ատլետիկոն պարտվեց Լոնդոնում, բայց դուրս եկավ քառորդ եզրափակիչ
ԵՄ-ն պետք է մասնակցի ռուս-ուկրաինական հակամարտության կարգավորման բանակցություններին. Բելգիայի վարչապ...