Արաբ առաջնորդները Իսրայելին զգուշացնել են պաղեստինցիների դեմ գործողությունների հետեւանքների մասին
Տասնյակ արաբական եւ իսլամական առաջնորդներ եւ բարձրաստիճան պաշտոնյաներ կիրակի օրը դատապարտել են իսրայելական իշխանությունների վերջին քայլերը Երուսաղեմում եւ Հորդանան գետի Արեւմտյան ափին, որտեղ Իսրայելի եւ պաղեստինցիների միջեւ բռնության աճ է գրանցվել, հաղորդում է Associated Press-ը:
Կահիրեում Արաբական պետությունների լիգայի կողմից կազմակերպված հանդիպմանը մասնակցել են Եգիպտոսի նախագահ Աբդել Ֆաթահ աս-Սիսին, Հորդանանի թագավոր Աբդալլահ Երկրորդը եւ Պաղեստինի նախագահ Մահմուդ Աբասը, ինչպես նաեւ բազմաթիվ արտաքին գործերի նախարարներ եւ բարձրաստիճան պաշտոնյաներ:
Հանդիպման ժամանակ ելույթ ունեցողներն իրենց հայտարարություններում դատապարտել են Իսրայելի միակողմանի միջոցառումները Երուսաղեմում եւ Հորդանան գետի Արեւմտյան ափին, ներառյալ տների քանդումը եւ բնակավայրերի ընդլայնումը:
Նրանք նաեւ դատապարտել են իսրայելցի պաշտոնյաների այցելությունները Ալ-Աքսա մզկիթի տարածք:
Ալ-Սիսին նախազգուշացրել է սարսափելի հետեւանքների մասին՝ ասելով, որ դրանք «բացասաբար կազդեն իսրայելա-պաղեստինյան հակամարտությունը կարգավորելու ապագա բանակցությունների վրա»:
Նրա խոսքով, նման միջոցները կկանխեն հակամարտության երկար սպասված լուծումը երկու պետությունների համակեցության հիման վրա, ինչը «երկու կողմերին եւ ողջ Մերձավոր Արեւելքը բարդ եւ լուրջ տարբերակների առջեւ կգանգնեցնի»։
Իր հերթին, Պաղեստինի նախագահն ասել է, որ իր վարչակազմը կդիմի ՄԱԿ-ին եւ նրա գործակալություններին ու լուծում կպահանջի՝ ի պաշտպանություն երկու պետությունների համակեցության:
Առանց ռուսական նավթի, երբ մոտ է վառելիքի գլոբալ դեֆիցիտը
Փոխվարչապետ Մհեր Գրիգորյանի և ԵՄ ընդլայնման հարցերի հանձնակատար Մարթա Կոսի հայտարարությունները
ՄԻՊ-ն ընդունել է Մարդու իրավունքների եզդիական կենտրոնի ղեկավարին
Իրանում 19-ամյա ըմբշամարտիկի մահապատիժը նոր մտահոգությունների ալիք է բարձրացրել
ԱԱԾ տնօրենը հայտարարել է, որ Եզրաս արքեպիսկոպոս Ներսիսյանը եղել է ԽՍՀՄ ՊԱԿ գործակալ
ՄԱԿ-ը կոչ է անում ստեղծել անվտանգ նավագնացության միջանցք՝ Պարսից ծոցից նավերը դուրս բերելու համար
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
ԵՄ-ն պետք է մասնակցի ռուս-ուկրաինական հակամարտության կարգավորման բանակցություններին. Բելգիայի վարչապ...
Տեխնիկական խափանում մետրոպոլիտենում․ ուղևորներին իջեցրել են «Գործարանային» կայարանում
Կաթողիկոսի՝ երկրից դուրս գալու հետ կապված ՔԿ-ն միջնորդություն չի ստացել